ಯಲಹಂಕ

ಯೋಗ ವಿಜ್ಞಾನ: 50 ಲಕ್ಷ ಡಾಲರ್ ಯೋಜನೆ

ಪಾಶ್ಚಿಮಾತ್ಯ ದೇಶದ ವೈಜ್ಞಾನಿಕ ಅನ್ವೇಷಣೆಯೊಂದಿಗೆ ಭಾರತೀಯ ಯೋಗ ವಿಜ್ಞಾನ ಸಮ್ಮಿಲನವಾದಲ್ಲಿ ಇಡೀ ವಿಶ್ವದಲ್ಲಿ ಶಾಂತಿಯನ್ನು ಕಾಯ್ದುಕೊಳ್ಳಲು ಸಾಧ್ಯವಾಗುತ್ತದೆ ಎಂದು ಯೋಗ ವಿಶ್ವವಿದ್ಯಾಲಯದ (ಡೀಮ್ಡ) ಅಂತರರಾಷ್ಟ್ರೀಯ ಸಂಚಾಲಕ ಎನ್.ವಿ.ರಘುರಾಮ್ ಅಭಿಪ್ರಾಯಪಟ್ಟರು

ಯಲಹಂಕ: ಪಾಶ್ಚಿಮಾತ್ಯ ದೇಶದ ವೈಜ್ಞಾನಿಕ ಅನ್ವೇಷಣೆಯೊಂದಿಗೆ ಭಾರತೀಯ ಯೋಗ ವಿಜ್ಞಾನ ಸಮ್ಮಿಲನವಾದಲ್ಲಿ ಇಡೀ ವಿಶ್ವದಲ್ಲಿ ಶಾಂತಿಯನ್ನು ಕಾಯ್ದುಕೊಳ್ಳಲು ಸಾಧ್ಯವಾಗುತ್ತದೆ ಎಂದು ಯೋಗ ವಿಶ್ವವಿದ್ಯಾಲಯದ (ಡೀಮ್ಡ) ಅಂತರರಾಷ್ಟ್ರೀಯ ಸಂಚಾಲಕ ಎನ್.ವಿ.ರಘುರಾಮ್ ಅಭಿಪ್ರಾಯಪಟ್ಟರು.

ಉಪನಗರ 2ನೇ ಹಂತದ `ಎ' ಸೆಕ್ಟರ್‌ನಲ್ಲಿ ಯೋಗ ವಿಜ್ಞಾನ ಕೇಂದ್ರವನ್ನು ಉದ್ಘಾಟಿಸಿ ಮಾತನಾಡಿದ ಅವರು, `ಈ ನಿಟ್ಟಿನಲ್ಲಿ ಮೊದಲ ಹಂತದ ಪ್ರಯೋಗ ಆರಂಭವಾಗಿದ್ದು, 50 ಲಕ್ಷ ಡಾಲರ್ ಯೋಜನೆಯೊಂದು ಸದ್ಯದಲ್ಲೆ ಅಸ್ತಿತ್ವಕ್ಕೆ ಬರಲಿದೆ.

ಇದರಿಂದ ಯೋಗದ ವಿವಿಧ ವಿಭಾಗಗಳನ್ನು ಸಮಗ್ರವಾಗಿ ಅಧ್ಯಯನ ಮಾಡುವ ಮೂಲಕ ಸ್ವಾಮಿ ವಿವೇಕಾನಂದರ ಕನಸನ್ನು ನನಸುಗೊಳಿಸುವ ಸಮಯ ಹತ್ತಿರವಾಗುತ್ತಿದೆ ಎಂದೆನಿಸುತ್ತಿದೆ' ಎಂದರು.

ಹೈಕೋರ್ಟ್‌ನ ನಿವೃತ್ತ ನ್ಯಾಯಮೂರ್ತಿ ಆರ್.ರಾಮಕೃಷ್ಣ ಮಾತನಾಡಿ, ಇಂದಿನ ಪರಿಸರವನ್ನು ಗಮನಿಸಿದರೆ ಮಕ್ಕಳಿಂದ ಹಿಡಿದು ಎಲ್ಲ ವಯೋಮಾನದವರಿಗೂ ಯೋಗ ಅತ್ಯವಶ್ಯಕವೆನಿಸಿದೆ ಎಂದರು.

`ಉಪಾಧ್ಯಾಯರು ಮಕ್ಕಳನ್ನು ನಿಯತ್ರಿಸುವುದೆ ಕಷ್ಟವಾಗುತ್ತಿದ್ದು, ಮತ್ತೊಂದೆಡೆ ಪೋಷಕರು ತಮ್ಮ ಹುದ್ದೆ ಮತ್ತು ಸಮಸ್ಯೆಗಳ ನಡುವೆ ಮಕ್ಕಳನ್ನು ನಿರ್ಲಕ್ಷಿಸುತ್ತಿದ್ದಾರೆ.

ಈ ದಿಸೆಯಲ್ಲಿ ಎಲ್ಲ ಕಡೆಗಳಲ್ಲಿ ಯೋಗ ತರಗತಿಗಳನ್ನು ವಿಸ್ತರಿಸುವ ಮೂಲಕ ಜನರಿಗೆ ಈ ಬಗ್ಗೆ ಅರಿವು ಮೂಡಿಸಿ, ಆರೋಗ್ಯವಂತ ಸಮಾಜವನ್ನು ಕಟ್ಟಬೇಕಾಗಿದೆ' ಎಂದು ಅವರು ಹೇಳಿದರು.

ಯೋಗ ಕೇಂದ್ರದ ಅಧ್ಯಕ್ಷ ಗೋಪಾಲಕೃಷ್ಣ ಹೆಗಡೆ ಮಾತನಾಡಿ, ಯೋಗವನ್ನು ವೈಜ್ಞಾನಿಕವಾಗಿ ಕಲಿಸುವುದು ಮತ್ತು ಎಲ್ಲಡೆ ಹರಡುವುದರ ಮೂಲಕ ಸಮಾಜದ ಎಲ್ಲ ವರ್ಗದ ಜನರ ಜೀವನವನ್ನು ಸಮಗ್ರ ಚಿಕಿತ್ಸೆಯಿಂದ ಆರೋಗ್ಯಮಯ ಮತ್ತು ಆನಂದಮಯವಾಗಿಸುವುದು ಯೋಗ ವಿಜ್ಞಾನ ಕೇಂದ್ರದ ಮುಖ್ಯ ಉದ್ದೇಶವಾಗಿದೆ ಎಂದು  ತಿಳಿಸಿದರು.

ಯೋಗ ವಿಜ್ಞಾನ ಕೇಂದ್ರದ ಸಲಹಾ ಸಮಿತಿ ಅಧ್ಯಕ್ಷ ಡಾ.ಸಿಂಗ್ಲಾಚಾರ್, ಕಾರ್ಯದರ್ಶಿ ಬಿ.ಎ.ಶ್ರೀಕಾಂತ್ ಮೊದಲಾದವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು

ಬೆಂಗಳೂರು
ಬಿಜೆಪಿ ಪರಿವರ್ತನಾ ರ‍್ಯಾಲಿ ಖಂಡನಾರ್ಹ:ಆರ್.ಎ. ಪ್ರಸಾದ್

‘ಕನ್ನಡ ಧ್ವಜ ಹಾರಿಸುವ ದಿನದಂದು ಅದಕ್ಕೆ ಸವಾಲು ಎಂಬಂತೆ ಬಿಜೆಪಿ ನಾಯಕರು ಕೇಸರಿ ಬಾವುಟಗಳನ್ನು ಹಾರಿಸಲು ತಯಾರಿ ನಡೆಸುತ್ತಿದ್ದಾರೆ. ಇದರಿಂದ ಕನ್ನಡಿಗರ ಭಾವನೆಗಳಿಗೆ ಧಕ್ಕೆಯಾಗುತ್ತದೆ’... ...

23 Sep, 2017

ಬೆಂಗಳೂರು
ಬಿಜೆಪಿಯೊಂದಿಗೆ ಮೈತ್ರಿ ಇಲ್ಲ: ಎಂ.ಪಿ. ನಾಡಗೌಡ

‘ದೇಶದಲ್ಲಿ ಬಿಜೆಪಿ ಆಡಳಿತದ ವಿರುದ್ಧ ಪರ್ಯಾಯ ರಾಜಕೀಯ ಶಕ್ತಿಯನ್ನು ಸಂಘಟಿಸುವ ಉದ್ದೇಶದಿಂದ ಬಿಹಾರದ ಜನತೆ ಅಧಿಕಾರ ನೀಡಿದ್ದರು. ಅದನ್ನು ದುರುಪಯೋಗಪಡಿಸಿಕೊಂಡ ನಿತೀಶ್ ಕುಮಾರ್ ಬಿಜೆಪಿ...

23 Sep, 2017
ವಿಧಾನಸೌಧದ ವಜ್ರ ಮಹೋತ್ಸವ ಮುಂದೂಡಿಕೆ

ರಾಷ್ಟ್ರಪತಿ ಅನುಪಸ್ಥಿತಿ
ವಿಧಾನಸೌಧದ ವಜ್ರ ಮಹೋತ್ಸವ ಮುಂದೂಡಿಕೆ

23 Sep, 2017

ಬೆಂಗಳೂರು
‘ಮನೆ ಮನೆಗೆ ಕಾಂಗ್ರೆಸ್‌’ ಇಂದಿನಿಂದ

ಕಾಂಗ್ರೆಸ್‌ ರಾಜ್ಯ ಉಸ್ತುವಾರಿ ಕೆ.ಸಿ. ವೇಣುಗೋಪಾಲ್ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಿದ್ದಾರೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ, ಕೆಪಿಸಿಸಿ ಅಧ್ಯಕ್ಷ ಜಿ. ಪರಮೇಶ್ವರ, ಕಾರ್ಯಾಧ್ಯಕ್ಷರಾದ ಎಸ್.ಆರ್.ಪಾಟೀಲ, ದಿನೇಶ್ ಗುಂಡೂರಾವ್,...

23 Sep, 2017

1500 ಖಾಸಗಿಯವರಿಂದ ಗುತ್ತಿಗೆ, 1500 ಖರೀದಿ
ನಗರಕ್ಕೆ 3000 ಹೊಸ ಬಸ್‌ಗಳು

ಇನ್ನೂ 1500 ಬಸ್ಸುಗಳನ್ನು ಖಾಸಗಿಯವರಿಂದ ಗುತ್ತಿಗೆ ಆಧಾರದಲ್ಲಿ ಪಡೆಯಲು ನಿರ್ಧರಿಸಲಾಗಿದೆ. ಒಟ್ಟು 3000 ಹೊಸ ಬಸ್‌ಗಳನ್ನು ಬಿಎಂಟಿಸಿ ಹೊಂದಲಿದೆ...

23 Sep, 2017