ಕಾಶ್ಮೀರ ಹಿಂಸಾಚಾರ: ಪಾಕಿಸ್ತಾನದಲ್ಲಿ ಕರಾಳ ದಿನಾಚರಣೆ

‘ಜನಮತಗಣನೆ ನಡೆಯಲಿ’

‘ಕಾಶ್ಮೀರ ಕೇವಲ ಭಾರತದ ಆಂತರಿಕ ವಿಷಯವಲ್ಲ. ಅಲ್ಲಿನ ಜನರ ಹಕ್ಕುಗಳನ್ನು ಗೌರವಿಸಲು ಭಾರತ ಜನಮತಗಣನೆ ನಡೆಸಬೇಕು’ ಎಂದು ಪಾಕಿಸ್ತಾನದ ಪ್ರಧಾನಿ ನವಾಜ್‌ ಷರೀಫ್‌ ಆಗ್ರಹಿಸಿದ್ದಾರೆ.

ಪಾಕಿಸ್ತಾನದಲ್ಲಿ ನಡೆದ ಪ್ರತಿಭಟನೆ

ಇಸ್ಲಾಮಾಬಾದ್‌ (ಪಿಟಿಐ): ‘ಕಾಶ್ಮೀರ ಕೇವಲ ಭಾರತದ ಆಂತರಿಕ ವಿಷಯವಲ್ಲ. ಅಲ್ಲಿನ ಜನರ ಹಕ್ಕುಗಳನ್ನು ಗೌರವಿಸಲು ಭಾರತ ಜನಮತಗಣನೆ ನಡೆಸಬೇಕು’ ಎಂದು ಪಾಕಿಸ್ತಾನದ ಪ್ರಧಾನಿ ನವಾಜ್‌ ಷರೀಫ್‌ ಆಗ್ರಹಿಸಿದ್ದಾರೆ.

ಹಿಜಬುಲ್‌ ಕಮಾಂಡರ್‌ ಬುರ್ಹಾನ್‌ ವಾನಿ ಹತ್ಯೆ ಖಂಡಿಸಿ ಬುಧವಾರ ದೇಶದಾದ್ಯಂತ ನಡೆದ ಕರಾಳ ದಿನಾಚರಣೆ ಅಂಗವಾಗಿ ಅವರು ಈ ಸಂದೇಶ ನೀಡಿದ್ದು, ಕಾಶ್ಮೀರ ಕುರಿತು ಭಾರತದ ಧೋರಣೆಯನ್ನು ಟೀಕಿಸಿದ್ದಾರೆ.

‘ಕಾಶ್ಮೀರಿ ಜನತೆಗೆ ಬೆಂಬಲ ವ್ಯಕ್ತಪಡಿಸಲು ನಾವು ಕರಾಳ ದಿನ ಆಚರಿಸಲಾಯಿತು. ಕಾಶ್ಮೀರಿ ಜನತೆ ತಮ್ಮ ಹಕ್ಕುಗಳಿಗಾಗಿ ನಡೆಸುತ್ತಿರುವ ಹೋರಾಟದಲ್ಲಿ ನಾವು ಪಾಲ್ಗೊಂಡಿದ್ದೇವೆ ಎನ್ನುವುದನ್ನು  ಸಾಬೀತುಪಡಿಸಲು ಕರಾಳ ದಿನಾಚರಣೆ ಮೂಲಕ ಜಗತ್ತಿಗೆ ಸಂದೇಶ ನೀಡುತ್ತಿದ್ದೇವೆ’ ಎಂದು ಹೇಳಿದ್ದಾರೆ.

‘ಭಾರತ, ಭದ್ರತಾ ಪಡೆಗಳ ಮೂಲಕ ಕಾಶ್ಮೀರಿ ಜನತೆಯ ಹೋರಾಟವನ್ನು ಹತ್ತಿಕ್ಕಲು ಸಾಧ್ಯವಿಲ್ಲ. ವಿಶ್ವಸಂಸ್ಥೆ ಕಾಶ್ಮೀರ ವಿವಾದಿತ ಪ್ರದೇಶ ಎಂದು ಘೋಷಿಸಿದೆ. ಹೀಗಾಗಿ, ಭಾರತ ಜನಮತಗಣನೆ ನಡೆಸಬೇಕು’ ಎಂದು ಆಗ್ರಹಿಸಿದ್ದಾರೆ.

ಕರಾಳ ದಿನಾಚರಣೆ: ಭದ್ರತಾ ಪಡೆಗಳ ಗುಂಡಿನ ದಾಳಿಯಲ್ಲಿ ಹತ್ಯೆಗೀಡಾದ ವಾನಿಯನ್ನು ಹುತಾತ್ಮ ಎಂದು ಕರೆದಿದ್ದ ಪಾಕಿಸ್ತಾನ, ಬುಧವಾರ ಕರಾಳ ದಿನ ಆಚರಿಸಲು ಕರೆ ನೀಡಿತ್ತು.

ಎಲ್ಲ ಸರ್ಕಾರಿ ಅಧಿಕಾರಿಗಳು ಕಪ್ಪು ಪಟ್ಟಿ ಧರಿಸಿಕೊಂಡು ಕಚೇರಿಗೆ ಬಂದಿದ್ದರು. ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ ಸೇರಿದಂತೆ ದೇಶದಾದ್ಯಂತ ರ್‍ಯಾಲಿಗಳು ಹಾಗೂ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿತ್ತು.

ವಿದೇಶಗಳಲ್ಲಿರುವ ಪಾಕಿಸ್ತಾನದ ರಾಯಭಾರ ಕಚೇರಿಗಳಲ್ಲೂ ಕಾರ್ಯಕ್ರಮಗಳನ್ನು ಆಯೋಜಿಸುವಂತೆ ಪಾಕಿಸ್ತಾನ ಸರ್ಕಾರ ಸೂಚನೆ ನೀಡಿತ್ತು.

Comments
ಈ ವಿಭಾಗದಿಂದ ಇನ್ನಷ್ಟು
ಶ್ವಾನಕ್ಕೂ ಪದಕ

ಅತ್ಯುನ್ನತ ಗೌರವ
ಶ್ವಾನಕ್ಕೂ ಪದಕ

18 Nov, 2017
ಗಡಿ ಸಹಕಾರ: ಭಾರತ–ಚೀನಾ ಮಾತುಕತೆ

ಡೋಕಲಾ ಬಿಕ್ಕಟ್ಟು
ಗಡಿ ಸಹಕಾರ: ಭಾರತ–ಚೀನಾ ಮಾತುಕತೆ

18 Nov, 2017
ರಾಜೀನಾಮೆ ನೀಡಲು ಮುಗಾಬೆ ನಿರಾಕರಣೆ

ಮಾತುಕತೆ ವಿಫಲ
ರಾಜೀನಾಮೆ ನೀಡಲು ಮುಗಾಬೆ ನಿರಾಕರಣೆ

18 Nov, 2017
ಐಸಿಜೆಗೆ ನ್ಯಾಯಮೂರ್ತಿ ಆಯ್ಕೆ: ಮತ್ತೆ ಮತದಾನ

ಅಂತರರಾಷ್ಟ್ರೀಯ ನ್ಯಾಯಾಲಯ
ಐಸಿಜೆಗೆ ನ್ಯಾಯಮೂರ್ತಿ ಆಯ್ಕೆ: ಮತ್ತೆ ಮತದಾನ

18 Nov, 2017
ಆನ್‌ಲೈನ್‌ ಸುದ್ದಿಗಳ ವಿಶ್ವಾಸಾರ್ಹತೆ ಹೆಚ್ಚಿಸಲು ‘ದಿ ಟ್ರಸ್ಟ್‌ ಪ್ರಾಜೆಕ್ಟ್‌’ ಜತೆಗೆ ಕೈಜೋಡಿಸಿದ ಗೂಗಲ್, ಫೇಸ್‌ಬುಕ್‌, ಟ್ವಿಟರ್, ಬಿಂಗ್

ಬೆಂಗಳೂರು
ಆನ್‌ಲೈನ್‌ ಸುದ್ದಿಗಳ ವಿಶ್ವಾಸಾರ್ಹತೆ ಹೆಚ್ಚಿಸಲು ‘ದಿ ಟ್ರಸ್ಟ್‌ ಪ್ರಾಜೆಕ್ಟ್‌’ ಜತೆಗೆ ಕೈಜೋಡಿಸಿದ ಗೂಗಲ್, ಫೇಸ್‌ಬುಕ್‌, ಟ್ವಿಟರ್, ಬಿಂಗ್

17 Nov, 2017