ದೌರ್ಜನ್ಯ ಖಂಡಿಸಿ ಪ್ರತಿಭಟನೆ, ಹಿಂಸಾಚಾರ

ಗುಜರಾತ್‌ನ ಊನಾ ಎಂಬಲ್ಲಿ ದಲಿತ ಯುವಕರನ್ನು ಥಳಿಸಿದ ಘಟನೆ ಖಂಡಿಸಿ ವಿವಿಧ ದಲಿತ ಸಂಘಟನೆಗಳು ನಡೆಸುತ್ತಿರುವ ಪ್ರತಿಭಟನೆ ತೀವ್ರ ಸ್ವರೂಪ ಪಡೆದುಕೊಂಡಿದ್ದು, ಬುಧವಾರ ಏಳು ಯುವಕರು ಆತ್ಮಹತ್ಯೆಗೆ ಯತ್ನಿಸಿದ್ದಾರೆ.

ದಲಿತ ಯುವಕರ ಮೇಲಿನ ಹಲ್ಲೆಯನ್ನು ಖಂಡಿಸಿ ಸಮುದಾಯದವರು ಅಹಮದಾಬಾದ್‌ನಲ್ಲಿ ನಡೆಸಿದ ಪ್ರತಿಭಟನೆ ವೇಳೆ ತೂರಿದ ಕಲ್ಲುಗಳನ್ನು ಪೊಲೀಸರು ತೆರವು ಮಾಡಲು ಮುಂದಾದರು –ಪಿಟಿಐ ಚಿತ್ರ

ಅಹಮದಾಬಾದ್‌/ ರಾಜ್‌ಕೋಟ್‌ (ಪಿಟಿಐ): ಗುಜರಾತ್‌ನ ಊನಾ ಎಂಬಲ್ಲಿ ದಲಿತ ಯುವಕರನ್ನು ಥಳಿಸಿದ ಘಟನೆ ಖಂಡಿಸಿ ವಿವಿಧ ದಲಿತ ಸಂಘಟನೆಗಳು ನಡೆಸುತ್ತಿರುವ ಪ್ರತಿಭಟನೆ ತೀವ್ರ ಸ್ವರೂಪ ಪಡೆದುಕೊಂಡಿದ್ದು, ಬುಧವಾರ ಏಳು ಯುವಕರು ಆತ್ಮಹತ್ಯೆಗೆ ಯತ್ನಿಸಿದ್ದಾರೆ. ಅಲ್ಲಲ್ಲಿ ಹಿಂಸಾಚಾರ ಘಟನೆ ವರದಿಯಾಗಿದೆ.

ಪ್ರತಿಭಟನೆ ಆರಂಭವಾದಾಗಿನಿಂದ ಆತ್ಮಹತ್ಯೆಗೆ ಯತ್ನಿಸಿದ ದಲಿತರ ಸಂಖ್ಯೆ 17ಕ್ಕೇರಿದೆ. ರಾಜ್‌ಕೋಟ್‌ ಜಿಲ್ಲೆಯ ಧೊರಾಜಿ ಎಂಬಲ್ಲಿ ಮೂವರು ಯುವಕರು ವಿಷ ಸೇವಿಸಿ ಆತ್ಮಹತ್ಯೆಗೆ ಪ್ರಯತ್ನಿಸಿದ್ದು, ಅವರನ್ನು ಜುನಾಗಡದ ಸಿವಿಲ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಗೊಂಡಾಲ್‌, ಪೋರಬಂದರು ಮತ್ತು ಊನಾದಲ್ಲಿ ತಲಾ ಒಬ್ಬರು ವಿಷ ಸೇವಿಸಿ ಅಸ್ವಸ್ಥರಾದ ಘಟನೆ ನಡೆದಿದೆ. ಬತೋಡ ಪಟ್ಟಣದಲ್ಲಿ ಒಬ್ಬಾತ ಬೆಂಕಿ ಹಚ್ಚಿಕೊಂಡು ಆತ್ಮಹತ್ಯೆ ನಡೆಸುವ ಪ್ರಯತ್ನವನ್ನು ಪೊಲೀಸರು ತಡೆದಿದ್ದಾರೆ.

ದಲಿತ ಸಮುದಾಯದ ಸದಸ್ಯರು ವಿವಿಧ ನಗರ ಹಾಗೂ ಪಟ್ಟಣಗಳಲ್ಲಿ ಪ್ರತಿಭಟನಾ ಮೆರವಣಿಗೆ, ರಸ್ತೆ ತಡೆ ಮತ್ತು ಕಲ್ಲುತೂರಾಟ ನಡೆಸಿದ್ದಾರೆ. ಹಲವು ಬಸ್ಸುಗಳು ಜಖಂಗೊಂಡಿವೆ. 

ಮಿಶ್ರ ಪ್ರತಿಕ್ರಿಯೆ: ದಲಿತ ಸಂಘಟನೆಗಳು ಬುಧವಾರ ಕರೆ ನೀಡಿದ್ದ ಗುಜರಾತ್‌ ಬಂದ್‌ಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಸೌರಾಷ್ಟ್ರ ಮತ್ತು ಉತ್ತರ ಗುಜರಾತ್‌ನ ಕೆಲವು ಭಾಗಗಳಲ್ಲಿ  ಬಂದ್‌ ಯಶಸ್ವಿಯಾಗಿದ್ದು, ಅಲ್ಲಲ್ಲಿ ಕಲ್ಲುತೂರಾಟ ಮತ್ತು ರಸ್ತೆ ತಡೆ ಘಟನೆಗಳು ವರದಿಯಾಗಿವೆ.
ಆದರೆ ರಾಜ್ಯದ ಇತರ ಭಾಗಗಳಿಗೆ ಬಂದ್‌ನ ಬಿಸಿ ತಟ್ಟಿಲ್ಲ. ಬಂದ್‌ ಕರೆ ಕಾರಣದಿಂದ ಮುನ್ನೆಚ್ಚರಿಕೆ ಕ್ರಮವಾಗಿ ರಾಜ್ಯ ಸಾರಿಗೆ ಸಂಸ್ಥೆಯ ಹಲವು ಬಸ್ಸುಗಳ ಓಡಾಟ ನಿಲ್ಲಿಸಲಾಗಿತ್ತು. ಅಹಮದಾಬಾದ್‌ನ ಕೆಲವು ಕಡೆಗಳಲ್ಲಿ ಪ್ರತಿಭಟನಾಕಾರರು ಬಲವಂತವಾಗಿ ಅಂಗಡಿಗಳನ್ನು ಮುಚ್ಚಿಸಿದ್ದಾರೆ.

ಸೌರಾಷ್ಟ್ರ ವಲಯದ ಅಮ್ರೇಲಿ ಮತ್ತು ಜುನಾಗಡ ನಗರಗಳಲ್ಲಿ ಬಂದ್‌ ಪೂರ್ಣ ಯಶಸ್ವಿಯಾಗಿದೆ. ಇಲ್ಲಿ ಶಾಲಾ ಕಾಲೇಜುಗಳಿಗೆ ರಜೆ ಘೋಷಿಸಲಾಗಿತ್ತು. ಜುನಾಗಡದಲ್ಲಿ ಕಲ್ಲು ತೂರಾಟದಲ್ಲಿ ಕೆಲವು ಬಸ್‌ಗಳು ಜಖಂಗೊಂಡಿವೆ.

₹ 4 ಲಕ್ಷ ಪರಿಹಾರ: ಗುಜರಾತ್‌ ಮುಖ್ಯಮಂತ್ರಿ ಆನಂದಿಬೆನ್‌ ಪಟೇಲ್‌ ಅವರು ಬುಧವಾರ ಸಂತ್ರಸ್ತರ ಕುಟುಂಬ ಸದಸ್ಯರನ್ನು ಭೇಟಿಯಾಗಿ, ನ್ಯಾಯ ದೊರಕಿಸಿಕೊಡುವ ಭರವಸೆ ನೀಡಿದ್ದಾರೆ. ಅಲ್ಲದೆ ಮುಖ್ಯಮಂತ್ರಿ ಅವರು  ಹಲ್ಲೆಗೆ ಒಳಗಾದವರಿಗೆ ತಲಾ ₹ 4 ಲಕ್ಷ ಪರಿಹಾರ ಪ್ರಕಟಿಸಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು
ಹೋಮ್‌ಸ್ಟೇ ಉತ್ತೇಜನಕ್ಕೆ ರಾಷ್ಟ್ರೀಯ ನೀತಿ ಪ್ರಕಟ?

ಸಮಾಲೋಚನಾ ಪ್ರಕ್ರಿಯೆ ಪೂರ್ಣ
ಹೋಮ್‌ಸ್ಟೇ ಉತ್ತೇಜನಕ್ಕೆ ರಾಷ್ಟ್ರೀಯ ನೀತಿ ಪ್ರಕಟ?

23 Oct, 2017
ಇದು 2017, 1817 ಅಲ್ಲ

ರಾಹುಲ್‌ ಗಾಂಧಿ ಟೀಕೆ
ಇದು 2017, 1817 ಅಲ್ಲ

23 Oct, 2017
‘ರಾಹುಲ್ ದುರ್ಬಲ ಎನ್ನುವ ಬಿಜೆಪಿ ತಂತ್ರ ಇನ್ನು ನಡೆಯದು’

ಶಶಿ ತರೂರ್ ಹೇಳಿಕೆ
‘ರಾಹುಲ್ ದುರ್ಬಲ ಎನ್ನುವ ಬಿಜೆಪಿ ತಂತ್ರ ಇನ್ನು ನಡೆಯದು’

23 Oct, 2017
ತಾಂತ್ರಿಕ ಹುದ್ದೆ: ಹೆಣ್ಣಿನ ಪ್ರಮಾಣ ಶೇ 26 ಮಾತ್ರ

ಮಾಹಿತಿ ತಂತ್ರಜ್ಞಾನ ಕಂಪೆನಿಗಳಲ್ಲಿ ಸಮೀಕ್ಷೆ
ತಾಂತ್ರಿಕ ಹುದ್ದೆ: ಹೆಣ್ಣಿನ ಪ್ರಮಾಣ ಶೇ 26 ಮಾತ್ರ

23 Oct, 2017
ಪದಚ್ಯುತಿ ನಿರೀಕ್ಷಿಸಿದ್ದ ಸೈರಸ್‌ ಮಿಸ್ತ್ರಿ

ಟಾಟಾ ಟ್ರಸ್ಟ್‌
ಪದಚ್ಯುತಿ ನಿರೀಕ್ಷಿಸಿದ್ದ ಸೈರಸ್‌ ಮಿಸ್ತ್ರಿ

23 Oct, 2017