ಸರ್ಕಾರ, ಗ್ರಾಮೀಣ ಪ್ರದೇಶಗಳಲ್ಲಿ ಶೌಚಾಲಯಗಳನ್ನು ನಿರ್ಮಿಸುತ್ತಿರುವುದು ಸ್ವಾಗತಾರ್ಹ. ಆದರೆ ಶೇಕಡ ತೊಂಬತ್ತರಷ್ಟು ಜನ ಅವುಗಳನ್ನು ಬಳಸುವುದಿಲ್ಲ ಎನ್ನುವುದೂ ಸೂರ್ಯನಷ್ಟೇ ಸತ್ಯ. ಕಾರಣ - ನೀರಿನ ಕೊರತೆ. ಕುಡಿಯಲು ನೀರಿಲ್ಲದೆ ತತ್ತರಿಸುತ್ತಿರುವ ಜನರಿಗೆ, ಶೌಚಾಲಯಕ್ಕೆ ಬಳಸಲು ನೀರು ಎಲ್ಲಿಂದ ದೊರಕಬೇಕು?
ಹಾಗಾಗಿ ನಿರ್ಮಿಸಿದ, ನಿರ್ಮಿಸುತ್ತಿರುವ ಶೌಚಾಲಯಗಳು ಸಮರ್ಪಕವಾಗಿ ಬಳಕೆಯಾಗಬೇಕೆಂದರೆ, ಸರ್ಕಾರದ ಉದ್ದೇಶ ಈಡೇರಬೇಕೆಂದರೆ ಮೊದಲು ನೀರನ್ನು ಒದಗಿಸಬೇಕು. ಇಲ್ಲವೆಂದರೆ ಹಣವೂ ಪೋಲು, ಉದ್ದೇಶಕ್ಕೂ ಸೋಲು.
-ಚಿಕ್ಕೋಬನಹಳ್ಳಿ ಚಾಂದ್ ಬಾಷ, ತಳಕು, ಚಳ್ಳಕೆರೆ
