ದೇಶದಲ್ಲಿ ಇ–ಕಾಮರ್ಸ್ ಮಾರುಕಟ್ಟೆ ನಿಧಾನಗತಿಯಲ್ಲಿ ತನ್ನ ವ್ಯಾಪ್ತಿಯನ್ನು ವಿಸ್ತರಿಸಿಕೊಳ್ಳುತ್ತಿದೆ. 2017ರ ಹೊತ್ತಿಗೆ ದೇಶದ ಡಿಜಿಟಲ್ ಕಾಮರ್ಸ್ ಮಾರುಕಟ್ಟೆ ₹8.44 ಲಕ್ಷ ಕೋಟಿಗೆ ಏರಿಕೆಯಾಗಲಿದೆ ಎಂದು ಭಾರತೀಯ ವಾಣಿಜ್ಯೋದ್ಯಮ ಮಹಾಸಂಘ (ಅಸೋಚಾಂ) ಮತ್ತು ಡೆಲಾಯ್ಟ್ ಕಂಪೆನಿ ನಡೆಸಿರುವ ಅಧ್ಯಯನದಿಂದ ತಿಳಿದು ಬಂದಿದೆ.
ಹಬ್ಬದ ಸಂದರ್ಭವನ್ನೂ ಒಳಗೊಂಡು ಸದ್ಯ, ಅಮೆರಿಕ ಮೂಲದ ಅಮೆಜಾನ್ ಮತ್ತು ಬೆಂಗಳೂರಿನ ಫ್ಲಿಪ್ಕಾರ್ಟ್, ದೆಹಲಿ ಮೂಲದ ಸ್ನ್ಯಾಪ್ಡೀಲ್ ಕಂಪೆನಿಗಳ ಮಧ್ಯೆ ತೀವ್ರ ಪೈಪೋಟಿ ನಡೆಯುತ್ತಿದೆ.
ಮುಂಚೂಣಿಯಲ್ಲಿ ಫ್ಲಿಪ್ಕಾರ್ಟ್
ಇ–ಕಾಮರ್ಸ್ ವಹಿವಾಟಿನಲ್ಲಿ 2019ರವರೆಗೂ ಫ್ಲಿಪ್ಕಾರ್ಟ್ ಅತಿ ದೊಡ್ಡ ಆನ್ಲೈನ್ ಕಂಪೆನಿಯಾಗಿ ಮುಂದುವರಿಯಲಿದೆ ಎಂದು ಬ್ಯಾಂಕ್ ಆಪ್ ಅಮೆರಿಕದ ಇತ್ತೀಚಿನ ವರದಿ ಹೇಳಿದೆ.