‘ಬಿಡಿಎ’ (‘ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ’) ಎಂದಕೂಡಲೇ ಜನಸಾಮಾನ್ಯರ ಕಣ್ಣುಗಳಲ್ಲಿ ಸ್ವಂತ ನಿವೇಶನದ ಬೆಳಕೊಂದು ಸುಳಿದುಹೋಗುತ್ತದೆ. ಮಹಾನಗರ ನಾಲ್ಕೂ ದಿಕ್ಕಿಗೂ ಬೆಳೆದು, ‘ಬಿಡಿಎ ನಿವೇಶನ’ ಎನ್ನುವುದೀಗ ಮೊದಲಿನ ವರ್ಚಸ್ಸು ಕಳೆದುಕೊಂಡಿದೆ.
ಆದರೆ, 1982ರ (ಜುಲೈ 12) ಈ ಛಾಯಾಚಿತ್ರ ನೋಡಿ. ನಿವೇಶನಗಳಿಗಾಗಿ ತಮ್ಮ ಹೆಸರು ನೋಂದಾಯಿಸಿಕೊಳ್ಳಲು ‘ಬಿಡಿಎ’ ಕಚೇರಿ ಎದುರು ಕನಸುಗಳೇ ಸಾಲುಗಟ್ಟಿದಂತೆ ಜನ ಸಾಲುಗಟ್ಟಿದ್ದಾರೆ.
ಈಗ ಆನ್ಲೈನ್, ಮೊಬೈಲ್, ಎಂದೆಲ್ಲ ತಂತ್ರಜ್ಞಾನ ಮುಂದುವರಿದಿರುವಾಗ ಇಂಥ ಸಾಲುಗಳನ್ನು ಕಾಣುವುದು ಅಪರೂಪ. ಬದಲಾದ ಕಾಲಘಟ್ಟವೊಂದನ್ನು ಸೂಚಿಸುವಂತಿರುವ ಈ ಚಿತ್ರಪಟ, ಬೆಂಗಳೂರಿನ ಬೆಳವಣಿಗೆಯಲ್ಲಾದ ಪಲ್ಲಟವನ್ನೂ ಜನರ ಕನಸುಗಳಲ್ಲಾದ ಜಿಗಿತವನ್ನೂ ಹಾಗೂ ಕನಸುಗಳ ಹಂಚಿಕೆಯ ಸಂಸ್ಥೆಯೊಂದರ ಗತವೈಭವವನ್ನೂ ಹೇಳುವಂತಿದೆ.