ಭಾರತದ ನಾಗರಿಕ ವಿಮಾನಯಾನ ರಂಗದ ಬೆಳವಣಿಗೆಯು ಸದ್ಯಕ್ಕೆ ಗರಿಷ್ಠ ಮಟ್ಟದಲ್ಲಿ ಇದೆ. ಇದೇ ವೇಗ ಕಾಯ್ದುಕೊಂಡರೆ 2026ರ ವೇಳೆಗೆ ವಿಶ್ವದ 3ನೇ ಅತಿದೊಡ್ಡ ವಿಮಾನಯಾನ ಮಾರುಕಟ್ಟೆಯಾಗಿ ಹೊರಹೊಮ್ಮಲಿದ್ದು, ಇಂಗ್ಲೆಂಡ್‌ ಅನ್ನು ಹಿಂದೆ ಹಾಕಲಿದೆ.
ಪ್ರತಿ ವರ್ಷ ಪ್ರಯಾಣಿಕರ ಸೇರ್ಪಡೆ ಲೆಕ್ಕದಲ್ಲಿ ಅತ್ಯಂತ ತ್ವರಿತವಾಗಿ ಬೆಳೆಯುತ್ತಿರುವ ವಿಶ್ವದ 5 ನಾಗರಿಕ ವಿಮಾನಯಾನ ಮಾರುಕಟ್ಟೆಗಳಲ್ಲಿ ಭಾರತ ಒಂದಾಗಿದೆ. ದೇಶಿ ಮಾರುಕಟ್ಟೆ ಶೇ 24ರ ವೇಗದಲ್ಲಿ ಬೆಳೆಯುತ್ತಿರುವುದು ಒಟ್ಟಾರೆ ಮಾರುಕಟ್ಟೆಯಲ್ಲಿಯೇ ಗರಿಷ್ಠ ಮಟ್ಟವಾಗಿದೆ.
