ಮನೆಯಲ್ಲೇ ತಯಾರಿಸಿ ವಿಶಿಷ್ಟ ಖಾದ್ಯ

ಮಾಡುವ ವಿಧಾನ
ಮೈದಾ ಹಿಟ್ಟು, ಮೊಸರು, ಸಿಟ್ರಿಕ್ ಆಸಿಡ್, ಸ್ವಲ್ಪ ನೀರು, ಅಕ್ಕಿ ಹಿಟ್ಟು ಸೇರಿಸಿ ಉದ್ದಿನ ದೋಸೆ ಹಿಟ್ಟಿನ ಹದಕ್ಕೆ ಕಲಸಿ. ಮಿಕ್ಸಿಗೆ ಹಾಕಿ ಒಂದು ಸುತ್ತು ತಿರುಗಿಸಿ. 24 ಗಂಟೆ ಇಡಿ. ನಂತರ ಸಕ್ಕರೆ, ಒಂದೂವರೆ ಕಪ್ ನೀರು ಸೇರಿಸಿ ಒಲೆಯ ಮೇಲಿಟ್ಟು ಕುದಿಸಿ. ನೂಲು ಪಾಕವಾದಾಗ ಕೆಳಗಿಳಿಸಿ. ಚಿಟಕಿ ಸಿಟ್ರಿಕ್ ಆಸಿಡ್ ಹಾಕಿ. ತುಂಡು ಮಾಡಿದ ಸೇಬಿನ ತುಂಡನ್ನು ಮೈದಾ, ಮೊಸರು, ಅಕ್ಕಿಹಿಟ್ಟು, ಬೆರೆಸಿದ ಮಿಶ್ರಣದಲ್ಲಿ ಅದ್ದಿ ಕಾದ ಎಣ್ಣೆಗೆ ಹಾಕಿ ಕರಿಯಿರಿ. ನಂತರ ಸಕ್ಕರೆ ಪಾಕದಲ್ಲಿ 1 ನಿಮಿಷ ಇಟ್ಟು, ಆಮೇಲೆ ಸವಿಯಿರಿ. ಈ ಹೊಸ ರುಚಿಯ ಸೇಬಿನ ಜಿಲೇಬಿ ತಿನ್ನಲು ತುಂಬಾ ಸೊಗಸಾಗಿರುತ್ತದೆ.

ಸೀಬೆಹಣ್ಣು ಹಲ್ವಾ
ಬೇಕಾಗುವ ವಸ್ತುಗಳು
3 ಸೀಬೆಹಣ್ಣು, ಅರ್ಧ ಕಪ್ ತುಪ್ಪ, 1 ಕಪ್ ಬೆಲ್ಲ, 8 ಗೋಡಂಬಿ, 8 ಒಣದ್ರಾಕ್ಷಿ.

ಮಾಡುವ ವಿಧಾನ
ಸಣ್ಣಗೆ ತುಂಡು ಮಾಡಿದ ಸೀಬೆಹಣ್ಣನ್ನು ಮಿಕ್ಸಿಗೆ ಹಾಕಿ ನುಣ್ಣಗೆ ರುಬ್ಬಿಕೊಂಡು ಬೌಲ್‌ಗೆ ಹಾಕಿ. ಬಾಣಲೆ ಒಲೆಯ ಮೇಲಿಟ್ಟು ಬೆಲ್ಲ ಹಾಕಿ. ನೀರು ಹಾಕಬಾರದು. ಬೆಲ್ಲ ಕರಗಲಿ. ಬೇರೆ ಬಾಣಲೆ ಒಲೆಯ ಮೇಲಿಟ್ಟು ತುಪ್ಪ ಹಾಕಿ. ತುಪ್ಪ ಬಿಸಿಯಾದಾಗ ರುಬ್ಬಿದ ಸೀಬೆಹಣ್ಣಿನ ಮಿಶ್ರಣ ಹಾಕಿ ತೊಳಸಿ.
ನೀರಿನ ಅಂಶ ಆರಿದ ನಂತರ ಬೆಲ್ಲದ ಪಾಕ ಹಾಕಿ ತೊಳಸಿ. ಬಾಣಲೆಯಿಂದ ತಳ ಬಿಡುತ್ತಾ ಬಂದಾಗ ಬೌಲ್‌ಗೆ ಹಾಕಿ. ತುಪ್ಪದಲ್ಲಿ ಹುರಿದ ಗೋಡಂಬಿ, ದ್ರಾಕ್ಷಿಯಿಂದ ಅಲಂಕರಿಸಿ. ಸೀಬೆಹಣ್ಣಿನ ವಿಶಿಷ್ಟ ಪರಿಮಳವಿರುವ ಈ ಹಲ್ವಾಕ್ಕೆ ಏಲಕ್ಕಿ ಪುಡಿ ಹಾಕುವ ಅಗತ್ಯವಿಲ್ಲ.