ತ್ರಿಷಾ ಇನ್ನು ‘ಮೋಹಿನಿ’ ಚಿತ್ರ ನಿರ್ದೇಶಕ ಮಾದೇಶ್ ನಿರ್ದೇಶನದ ಹೊಸ ಸಿನಿಮಾದಲ್ಲಿ ತಮಿಳು ನಟಿ ತ್ರಿಷಾ ‘ಮೋಹಿನಿ’ಯಾಗಿ ಕಾಡಲಿದ್ದಾಳೆ. ಹೌದು, ‘ಮೋಹಿನಿ’ ಸಿನಿಮಾದಲ್ಲಿ ತ್ರಿಷಾಳದ್ದು ವಾಸ್ತುಶಿಲ್ಪಿ ಪಾತ್ರವಾಗಿದ್ದರೂ ಪೋಸ್ಟರ್ನಲ್ಲಿ ಆಕೆಯನ್ನು ದೇವಿ ವೇಷದಲ್ಲಿ ಚಿತ್ರಿಸಲಾಗಿದೆ.
ಚಿತ್ರದಲ್ಲಿ ತ್ರಿಷಾ ದೇವಿವೇಷದಲ್ಲಿ ಖಳನಾಯಕನ ವಿರುದ್ಧ ಸೇಡು ತೀರಿಸಿಕೊಳ್ಳಲಿದ್ದಾರೆ. ಹಾಗಾಗಿ, ಪೋಸ್ಟರ್ನಲ್ಲಿ ಆಯುಧ ಹಿಡಿದಿರುವ ತ್ರಿಷಾ ನಿಮಗೆ ಕಾಣುತ್ತಾರೆ. ಆದರೆ, ‘ಮೋಹಿನಿ’ ಅಪ್ಪಟ ಹಾರರ್ ಸಿನಿಮಾ ಎನ್ನುತ್ತಾರೆ ನಿರ್ಮಾಪಕರು.
‘ಮೋಹಿನಿ’ಯಾಗಿ ನಟಿಸುತ್ತಿರುವ ಬಗ್ಗೆ ತ್ರಿಷಾ ಈಗಾಗಲೇ ಇನ್ಸ್ಟಾಗ್ರಾಂನಲ್ಲಿ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ಸಿನಿಮಾದ ಚಿತ್ರೀಕರಣ ಇನ್ನೂ ಬಾಕಿ ಇದ್ದು, ಮುಂದಿನ ವರ್ಷ ಬಿಡುಗಡೆಯಾಗುವ ನಿರೀಕ್ಷೆ ಇದೆ.