ಬೆಂಗಳೂರು: ನೋಟು ರದ್ದತಿಯ ಬಳಿಕ ₹1000 ಮುಖಬೆಲೆಯ ಹೊಸ ನೋಟುಗಳು ಚಲಾವಣೆಗೆ ಬರುವುದು ತಡವಾಗಲಿದೆ ಎಂಬ ಮಾತುಗಳು ಕೇಳಿಬರುತ್ತಿದ್ದವು. ಆದರೆ, ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ₹1000ದ ಹೊಸ ನೋಟುಗಳ ಚಿತ್ರಗಳು ಹರಿದಾಡುತ್ತಿವೆ.
ಈ ಹೊಸ ನೋಟುಗಳ ಚಿತ್ರ ಅಸಲಿಯೋ, ನಕಲಿಯೋ?, ಹೊಸ ನೋಟಿನ ಸ್ಪೆಸಿಮನ್‌ ಕಾಪಿ ಲೀಕ್‌ ಮಾಡಿದವರು ಯಾರು?, ಹೊಸ ₹1000ದ ನೋಟುಗಳು ಚಲಾವಣೆಗೆ ಬರುವುದು ನಿಜವೇ? ಎಂಬ ಪ್ರಶ್ನೆಗಳು ಈಗ ಎದ್ದಿವೆ.
ನೋಟುಗಳ ಅಸಲಿಯತ್ತನ್ನು ಪ್ರಶ್ನಿಸಿ ಕೆಲವರು ಪ್ರಧಾನಮಂತ್ರಿ ನರೇಂದ್ರ ಮೋದಿ ಮತ್ತು ಆರ್‌ಬಿಐಗೆ ಟ್ವೀಟ್‌ ಮಾಡಿದ್ದಾರೆ. ಆದರೆ, ಹೊಸ ನೋಟಿನ ಬಗ್ಗೆ ಆರ್‌ಬಿಐ ಈವರೆಗೆ ಯಾವುದೇ ಮಾಹಿತಿ ನೀಡಿಲ್ಲ.
