ಗೊಂದಲದಿಂದ ಬೇರೆ ಖಾತೆಗೆ ಹಣ ಜಮೆ

ಬ್ಯಾಂಕ್‌ ಸಿಬ್ಬಂದಿ ಆಗಿರುವ ತಪ್ಪನ್ನು ಒಪ್ಪಿಕೊಂಡಿದ್ದು ಆದಷ್ಟು ಬೇಗ ಸರಿಪಡಿಸುವುದಾಗಿ ತಿಳಿಸಿದ್ದಾರೆ. ಮನೆಗೆಲಸ ಮಾಡುವ ಲಕ್ಷ್ಮಿ ಎಂಬುವರು ನವೆಂಬರ್ 10ರಂದು ರದ್ದಾದ ನೋಟುಗಳನ್ನು ಸುಂಕದಕಟ್ಟೆ ಶಾಖೆಯಲ್ಲಿನ ಖಾತೆಯಲ್ಲಿ ಜಮೆ ಮಾಡಿದ್ದರು. ಹತ್ತು ದಿನಗಳ ಬಳಿಕ ಹಣವನ್ನು ಪಡೆಯಲು ಹೋದಾಗ ಹಣ ಖಾತೆಗೆ ಜಮೆ ಆಗಿಲ್ಲದಿರುವುದು ಗಮನಕ್ಕೆ ಬಂದಿದೆ.

‘ಇತ್ತಿಚೆಗೆ ಬ್ಯಾಂಕ್ ಖಾತೆಯನ್ನು ತೆರೆದು, ಅದಕ್ಕೆ ಆಧಾರ್‌ ಸಂಖ್ಯೆ ಜೋಡಿಸಿದ್ದೇನೆ. ಅದರಲ್ಲಿ ₹2 ಸಾವಿರ ಉಳಿತಾಯ ಮಾಡಿದ್ದೆ. ನವೆಂಬರ್ 10ರಂದು ಹಳೆಯ ₹500ರ  ನೋಟುಗಳನ್ನು ಜಮೆ ಮಾಡಿದ್ದೆ. ನ.20 ರಂದು ಚಿಕಿತ್ಸೆಗಾಗಿ ಹಣವನ್ನು ಪಡೆಯಲು ಹೋದಾಗ ಖಾತೆಗೆ ಹಣ ಜಮೆ ಆಗಿಲ್ಲದಿರುವುದು ಗೊತ್ತಾಯಿತು’ ಎಂದು ಲಕ್ಷ್ಮಿ ತಿಳಿಸಿದರು.

‘ತಿಂಗಳ ಆರಂಭದಲ್ಲಿ ಹೆಚ್ಚು ನೌಕರರು ವೇತನದ ಹಣ ಪಡೆಯಲು ಬಂದಿದ್ದರು. ಆಗ ಜನಸಂದಣಿಯು ಹೆಚ್ಚಿತ್ತು. ಆ ಗೊಂದಲದಲ್ಲಿ  ಮಹಿಳೆಯ ಬ್ಯಾಂಕ್‌ ಖಾತೆಯ ಸಂಖ್ಯೆಯನ್ನು ಸಿಬ್ಬಂದಿ ತಪ್ಪಾಗಿ ನಮೂದಿಸಿದ್ದರು. ಇದರಿಂದ ಹಣ ಬೇರೆಯವರ ಖಾತೆಗೆ ಜಮೆಯಾಗಿದೆ. ಆಗಿರುವ ತಪ್ಪನ್ನು ಆದಷ್ಟು ಬೇಗ ಸರಿಪಡಿಸಲಾಗುವುದು’ ಎಂದು ಬ್ಯಾಂಕ್‌ನ ವ್ಯವಸ್ಥಾಪಕರು ತಿಳಿಸಿದರು.