ಆ ಊರ ನಡುವೆ ಇದ್ದ ಒಂದು ದೊಡ್ಡ ಮನೆಯಲ್ಲಿ ಒಬ್ಬ ಸ್ವಾರ್ಥಿಯಾಗಿದ್ದ ದೈತ್ಯ ವಾಸ ಮಾಡುತ್ತಿದ್ದ. ಆ ಮನೆಯ ಸುತ್ತ ಬಹಳ ಸುಂದರವಾದ ತೋಟವಿತ್ತು. ಅದರಲ್ಲಿ ಮೆತ್ತನೆಯ ಹುಲ್ಲು ಬೆಳೆದಿತ್ತು. ಅವುಗಳಲ್ಲಿ ಹೊಳೆಯುವ ನಕ್ಷತ್ರಗಳ ಹಾಗೆ ಬಣ್ಣಬಣ್ಣದ ಹೂಗಳಿದ್ದವು. ಅಲ್ಲಿಲ್ಲಿ ಹರಡಿದಂತೆ ಹನ್ನೆರಡು ಪೀಚ್ ಮರಗಳಿದ್ದವು.
ಅವುಗಳಲ್ಲೂ ಹೂಗಳು, ಹಣ್ಣುಗಳು. ಆ ಮರಗಳಲ್ಲಿ ಕೂತು ಹಕ್ಕಿಗಳು ಹಾಡುತ್ತಿದ್ದವು. ಆದ್ದರಿಂದ ಊರಿನ ಎಲ್ಲ ಮಕ್ಕಳಿಗೂ ಆ ತೋಟದಲ್ಲಿ ಆಡಲು ಇಷ್ಟ. ಆದರೆ ಆ ದೈತ್ಯ ಯಾರನ್ನೂ ತೋಟದ ಒಳಕ್ಕೆ ಸೇರಿಸುತ್ತಿರಲಿಲ್ಲ. ಅವನು ಮನೆಯಲ್ಲಿ ಇಲ್ಲದಿರುವ ಸಮಯದಲ್ಲಿ ಮಕ್ಕಳು ಆ ತೋಟದ ಒಳಕ್ಕೆ ಹೋಗಿ ಮನಸ್ಸಿಗೆ ಸಂತೋಷವಾಗುವಷ್ಟು ಆಡಿಕೊಳ್ಳುತ್ತಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.