ಜೋಡಿ ಕಡವೆ ಶಿಕಾರಿ: ಸಮಗ್ರ ತನಿಖೆಗೆ ಆಗ್ರಹ

 

ನಗರದಲ್ಲಿ ಸೋಮವಾರ ಪತ್ರಿಕಾ ಗೋಷ್ಠಿಯಲ್ಲಿ ಮಾತನಾಡಿದ ಅವರು, ಪ್ರಕರಣ ಮುಚ್ಚಿ ಹಾಕಲು ಸರ್ಕಾರದ ಉನ್ನತಮಟ್ಟದ ಅಧಿಕಾರಿಗಳು ಮತ್ತು ಪ್ರಭಾವಿ ರಾಜಕಾರಣಿಗಳು ಹುನ್ನಾರ ನಡೆಸುತ್ತಿದ್ದಾರೆ. ಮಲೆನಾಡಿನ ಕಾಡು ಬರಿದು ಮಾಡುತ್ತಿರುವ ಬೇಟೆ ಮಾಫಿಯಾ ವಿರುದ್ಧ ಅರಣ್ಯ ಮತ್ತು ಪೊಲೀಸ್‌ ಇಲಾಖೆ ಜಂಟಿಯಾಗಿ ಕಠಿಣ ಕ್ರಮ ಕೈಗೊಳ್ಳದಿದ್ದರೆ ಕಾಡು, ವನ್ಯ ಜೀವಿಗಳು ಬರಿದಾಗಲಿವೆ ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ.

 

ಜೋಡಿ ಕಡವೆ ಬೇಟೆ ಪ್ರಕರಣದ ಗಂಭೀರತೆಯನ್ನು ಕೇಂದ್ರ ಸರ್ಕಾರದ ಪರಿಸರ ಸಚಿವಾಲಯ ಹಾಗೂ ಲೋಕಸಭೆಯ ಪರಿಸರದ ಮೇಲಿನ ಉನ್ನತಾಧಿಕಾರದ ಸಮಿತಿಗೆ ಹಾಗೂ ಚೆನ್ನೈನಲ್ಲಿರುವ ಸುಪ್ರಿಂ ಕೋರ್ಟ್‌ನ ಹಸಿರು ಪೀಠಕ್ಕೂ ತಲುಪಿಸುವ ಪ್ರಯತ್ನ ಮಾಡಿದ್ದೇವೆ ಎಂದರು.

 

 ಭದ್ರಾ ಅಭಯಾರಣ್ಯದಲ್ಲಿ ಬೇಟೆ ಮಾಫಿಯಾ ಸಕ್ರಿಯವಾಗಿದೆ. ಕಡವೆ ಬೇಟೆ ಪ್ರಕರಣದಲ್ಲಿಸಿಕ್ಕಿಬಿದ್ದ ಆರೋಪಿ ಗಳನ್ನು ಹಿರಿಯ ಅರಣ್ಯಾಧಿಕಾರಿಗಳು ಜೈಲಿನಲ್ಲಿ ಭೇಟಿಯಾಗಲು ದಾವಿಸಿರು ವುದು ಶಂಕೆಗೆ ಎಡೆಮಾಡಿಕೊಟ್ಟಿದೆ ಎಂದು ದೂರಿದ್ದಾರೆ.

 

ಉಡುಪಿ, ಮಂಗಳೂರು, ಶಿವ ಮೊಗ್ಗ, ಚಿಕ್ಕಮಗಳುರಿನ ಕೆಲ ಪ್ರತಿಷ್ಟಿತ ರೆಸಾರ್ಟ್‌ಗಳ ಜತೆಗೆ ವೃತ್ತಿಪರ ಬೇಟೆ ಗಾರರ ಸಂಪರ್ಕ ಜಾಲ ಹರಡಿ ಕೊಂಡಿದೆ. ಕೆಲ ರೆಸಾರ್ಟ್‌, ಹೋಟೆಲ್‌ ಗಳಲ್ಲಿ ವಾರದಲ್ಲಿ ಎರಡು ದಿನ ಕಾಡುಕೋಣದ ಬಾಡೂಟ ದೊರ ಕುತ್ತದೆ. 10 ಕ್ವಿಂಟಲ್ ತೂಗುವ ಕಾಡು ಕೋಣ ಶಿಕಾರಿಯಲ್ಲಿ ಬೇಟೆಗಾರರಿಗೆ ಕನಿಷ್ಠ ₹3ಲಕ್ಷದವರೆಗೆ ಲಾಭ ದೊರಕಿ ದರೆ, ಒಂದು ಕಾಟಿ ಮಾಂಸದಿಂದ ಕೆಲ ರೆಸಾರ್ಟ್‌ಗಳು ಮತ್ತು ಹೋಂಸ್ಟೇಗಳು ₹10 ಲಕ್ಷದವರೆಗೂ ವ್ಯವಹಾರ ನಡೆಸುತ್ತಿವೆ ಎಂದು ಆರೋಪಿಸಿದರು.

 

ನರಸಿಂಹರಾಜಪುರ ತಾಲ್ಲೂಕಿನಲ್ಲಿ ಅಕ್ರಮವಾಗಿ ಅಳವಡಿಸಿದ್ದ ವಿದ್ಯುತ್‌ ತಂತಿ ಬೇಲಿಗೆ ಕಾಡಾನೆ ಸಿಕ್ಕಿ ಮೃತಪಟ್ಟು 2 ವರ್ಷಗಳೇ ಕಳೆದಿವೆ. ಆನೆ ಕಳೇಬರಹವನ್ನು ವ್ಯವಸ್ಥಿತವಾಗಿ ಸುಟ್ಟುಹಾಕಿ ಗುಂಡಿತೆಗೆದು ಮುಚ್ಚ ಲಾಗಿತ್ತು. ಊರಿನವರ ಒತ್ತಡದಿಂದ ಅರಣ್ಯ ಇಲಾಖೆ ಈ ಪ್ರಕರಣ ಬಯಲಿಗೆಳೆದಿತ್ತು. ಪ್ರಥಮ ಮಾಹಿತಿ ವರದಿ ದಾಖಲಾದರೂ ಇನ್ನೂ ಸರಿ ಯಾದ ಚಾರ್ಜ್ ಶೀಟ್ ಸಲ್ಲಿಕೆ ಯಾಗಿಲ್ಲ. ರಾಜಕೀಯ ಒತ್ತಡದಿಂದ ಹಾಗೂ ಅರಣ್ಯ ಇಲಾಖೆ ಅಧಿಕಾರಿಗಳ ಸಹಕಾರ ದಿಂದ ಅಪರಾಧಿಗಳು ಶಿಕ್ಷೆಯಿಂದ ಪಾರಾಗಿದ್ದಾರೆ ಎಂದು ದೂರಿದರು.

 

**

ಬೀದಿಗಿಳಿದ ವಿದ್ಯಾರ್ಥಿಗಳು

 

 

**