ಆರ್‌ಟಿಇ: ಮಕ್ಕಳಿಗೂ ‘ಆಧಾರ್’ ಕಡ್ಡಾಯ

 

2017–18ನೇ ಶೈಕ್ಷಣಿಕ ಸಾಲಿನಿಂದ ಆರ್‌.ಟಿ.ಇ ಕಾಯ್ದೆಯಡಿ ಪೂರ್ವ ಪ್ರಾಥಮಿಕ ಹಾಗೂ ಪ್ರಾಥಮಿಕ ಶಾಲೆಗಳಲ್ಲಿ ಆರಂಭಿಕ ತರಗತಿಗೆ ಪ್ರವೇಶ ಪಡೆಯಲು ಮಕ್ಕಳಿಗೆ ಆಧಾರ್‌ ಕಾರ್ಡ್‌ ಕಡ್ಡಾಯಗೊಳಿಸಿ ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣ ಇಲಾಖೆ ಅಧಿಸೂಚನೆ ಹೊರಡಿಸಿದೆ.

 

ಎಲ್‌.ಕೆ.ಜಿಗೆ ಪ್ರವೇಶ ಪಡೆಯುವ ಮೂರುವರೆ ವರ್ಷ ಮೇಲ್ಪಟ್ಟ ಮಕ್ಕಳು ಹಾಗೂ ಒಂದನೇ ತರಗತಿಗೆ ಪ್ರವೇಶ ಪಡೆಯುವ ಐದೂವರೆ ವರ್ಷ ಮೇಲ್ಪಟ್ಟ ಮಕ್ಕಳು ಆಧಾರ್‌ ಕಾರ್ಡ್‌ ಹೊಂದಬೇಕಾಗಿದೆ. 

 

ಜ. 15ರಿಂದ ಅರ್ಜಿ ಸ್ವೀಕಾರ:  ಜನವರಿ 15ರಿಂದ ಫೆಬ್ರುವರಿ 15ರ ಅವಧಿಯಲ್ಲಿ ಶಾಲಾ ಶಿಕ್ಷಣ ಇಲಾಖೆ ವೆಬ್ ಪೋರ್ಟಲ್‌ ಮೂಲಕ ಆರ್‌.ಟಿ.ಇ. ಅಡಿ ಮಕ್ಕಳ ದಾಖಲಾತಿಗಾಗಿ ಅರ್ಜಿಗಳನ್ನು ಸ್ವೀಕರಿಸಲಾಗುವುದು ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ. 

 

ಆಧಾರ್‌ ಕಾರ್ಡ್‌ನಲ್ಲಿ ನಮೂದಿಸಿರುವಂತೆ ಮಗುವಿನ ಹಾಗೂ ಒಬ್ಬ ಪೋಷಕರ (ತಂದೆ ಅಥವಾ ತಾಯಿ) ಆಧಾರ್‌ ಸಂಖ್ಯೆ, ಹೆಸರು, ಜನ್ಮ ದಿನಾಂಕ, ಲಿಂಗ ಹಾಗೂ ವಿಳಾಸದ ಮಾಹಿತಿಯನ್ನು ಆರ್‌.ಟಿ.ಇ. ಅಡಿ ಪ್ರವೇಶಕ್ಕೆ ಆನ್‌ಲೈನ್‌ನಲ್ಲಿ ಸಲ್ಲಿಸುವ ಅರ್ಜಿಯಲ್ಲಿ ದಾಖಲಿಸಬೇಕು. ಅರ್ಜಿಯಲ್ಲಿ ನಮೂದಿಸಿದ ವಿವರಗಳನ್ನು ‘ಆಧಾರ್‌’ನಲ್ಲಿರುವ ಮಾಹಿತಿಯೊಂದಿಗೆ ತಾಳೆ ಹಾಕಿ ದೃಢೀಕರಿಸಲಾಗುತ್ತದೆ. ಅರ್ಜಿದಾರರು ನೀಡಿದ ಮಾಹಿತಿ ತಾಳೆಯಾಗದೇ ಇದ್ದರೆ ಅಂತಹ ಅರ್ಜಿಗಳು ತಿರಸ್ಕೃತಗೊಳ್ಳಲಿದೆ. 

 

ಮಗು ಮತ್ತು ಪೋಷಕರ ಬಳಿ ‘ಆಧಾರ್‌’ ಇಲ್ಲದೇ ಇದ್ದರೆ ತಕ್ಷಣ ನೋಂದಣಿ ಮಾಡಿಕೊಳ್ಳಬೇಕು. ಆಧಾರ್‌ ನೋಂದಣಿ ನಂತರವೂ ಆಧಾರ್‌ ಸಂಖ್ಯೆ ಲಭ್ಯವಾಗದಿದ್ದರೆ, ಮಗುವಿನ ತಂದೆ ಅಥವಾ ತಾಯಿ ಪೈಕಿ ಒಬ್ಬರ ಆಧಾರ್‌ ನೋಂದಣಿ ಸಂಖ್ಯೆ ಮತ್ತು ಮತದಾರರ ಗುರುತಿನ ಚೀಟಿಯನ್ನು ಅರ್ಜಿ ಸಲ್ಲಿಸುವ ಸದರ್ಭ ಸಲ್ಲಿಸಬೇಕು. ಶಿಕ್ಷಣ ಇಲಾಖೆಯ ಪೋರ್ಟಲ್‌ನಲ್ಲಿ ಪೋಷಕರ ಮತದಾರರ ಗುರುತಿನ ಚೀಟಿಯ ಪ್ರತಿ, ಅವರ ಮತ್ತು ಮಗುವಿನ ಆಧಾರ್‌ ಸಂಖ್ಯೆ ಪಡೆಯಲು ನೋಂದಾ ಯಿಸಿದ ಸ್ವೀಕೃತಿಯ ಪ್ರತಿಯನ್ನು ಅಪ್‌ಲೋಡ್‌ ಮಾಡಬೇಕು. ಆಗ ಮಾತ್ರ ದಾಖಲಾತಿಗೆ ನಡೆಸುವ ಲಾಟರಿ ಪ್ರಕ್ರಿಯೆಗೆ ಅರ್ಜಿಯನ್ನು ಅಂಗೀಕರಿಸಲಾಗುತ್ತದೆ. ಪಾಲಕರು ಬಳಿಕ ಆಧಾರ್‌ ಸಂಖ್ಯೆಯನ್ನು ಸಲ್ಲಿಸಿದರೆ ಮಾತ್ರ ಲಾಟರಿ ಪ್ರಕ್ರಿಯೆಯಿಂದ ಶಾಲೆಗೆ ಮಾಡಿದ ದಾಖಲಾತಿಯನ್ನು ಅಧಿಕೃತ ಗೊಳಿಸಲಾಗುತ್ತದೆ.

 

**

ವಿಳಾಸ ಪರೀಕ್ಷಿಸಿಕೊಳ್ಳಿ...