ಸಿರವಾರ: ಸಮೀಪದ ಕಸನದೊಡ್ಡಿ ಗ್ರಾಮದ ಗುಡ್ಡದಲ್ಲಿ ಭಾನುವಾರ ಕೋಳಿ ಪಂದ್ಯದ ಜೂಜಾಟವಾಡುತ್ತಿದ್ದ 6 ಜನರನ್ನು ಬಂಧಿಸಿ ₹5,200 ನಗದು, 4 ಕೋಳಿ ಹುಂಜಗಳು ಮತ್ತು 35 ದ್ವಿಚಕ್ರ ವಾಹನಗಳನ್ನು ವಶಪಡಿಕೊಳ್ಳಲಾಗಿದೆ.
ಜೂಜಾಟದ ಖಚಿತ ಮಾಹಿತಿ ಪಡೆದ ಪಟ್ಟಣದ ಪೊಲೀಸರು ಜೂಜಾಟದ ಗುಂಪಿನ ಮೇಲೆ ದಾಳಿ ಮಾಡಿ ಪಟ್ಟಣದ ಹನುಮಂತ್ರಾಯ ಚಿಂಚಲಕುಂಟಿ(50), ದುರುಗಣ್ಣ(48), ಬಲ್ಲಟಗಿ ಗ್ರಾಮದ ಚಂದ್ರಪ್ಪ (38), ತೊಪ್ಪಲದೊಡ್ಡಿ ಗ್ರಾಮದ ಬಾಲಪ್ಪ (32), ಆಕಳಕುಂಪಿಯ ಮಹಾದೇವಪ್ಪ (55), ತಿಮ್ಮಯ್ಯ(31) ಎಂಬುವವರನ್ನು ಬಂಧಿಸಿದ್ದಾರೆ.ಈ ಕುರಿತು ಸಿರವಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
