5 ಎಪಿಎಂಸಿಗೆ ಚುನಾವಣೆ ಇಂದು

 

4,13,567 ಕೃಷಿಕ ಮತದಾರರು ಹಾಗೂ 1127 ವರ್ತಕರು ಮತದಾನ ಮಾಡಲಿದ್ದಾರೆ. ಕೃಷಿಕರ ವಿಭಾಗದಲ್ಲಿ 3,01,707 ಮಂದಿ ಪುರುಷ ಮತದಾರರು ಹಾಗೂ 1,11,860 ಮಹಿಳಾ ಮತದಾರರು ಮತ ಚಲಾಯಿಸಲಿದ್ದಾರೆ. ವರ್ತಕರ ವಿಭಾಗದಲ್ಲಿ 1,127 ಮಂದಿ ಪುರುಷರು ಇದ್ದರೆ, ಮತ ಚಲಾಯಿಸುವ ಮಹಿಳೆಯ ಪ್ರಾತಿನಿಧ್ಯ ಕೇವಲ 78 ಇದೆ. 

 

ಐದು ಎಪಿಎಂಸಿಗಳ ವ್ಯಾಪ್ತಿಯಲ್ಲಿ 55 ಕೃಷಿಕರ ಕ್ಷೇತ್ರಗಳಿಗೆ ತಲಾ ಒಂದು ವರ್ತಕರ ಹಾಗೂ ಟಿಎಪಿಎಂಎಸ್‌ ಕ್ಷೇತ್ರಗಳಿಗೆ ಪ್ರತಿನಿಧಿಗಳ ಆಯ್ಕೆಗೆ ಚುನಾವಣೆ ನಡೆಯಲಿದೆ. ಅವಿರೋಧವಾಗಿ ಆಯ್ಕೆಯಾದ ಕ್ಷೇತ್ರಗಳನ್ನು ಹೊರತುಪಡಿಸಿ ಉಳಿದ ಸ್ಥಾನಗಳಿಗೆ ಮತದಾನ ನಡೆಯಲಿದೆ.

 

ಬನಶಂಕರಿ ಜಾತ್ರೆ ಹಿನ್ನೆಲೆಯಲ್ಲಿ ಬಾದಾಮಿ ತಾಲ್ಲೂಕಿನಲ್ಲಿ ಬುಧವಾರವೇ ಮತದಾನ ಕಾರ್ಯ ಮುಕ್ತಾಯವಾಗಿದೆ. ಇದೇ 14ರಂದು ಶನಿವಾರ ಮತ ಎಣಿಕೆ ಕಾರ್ಯ ನಡೆಯಲಿದೆ.

 

ಸಿಬ್ಬಂದಿ ನಿಯೋಜನೆ: ಚುನಾವಣೆ ಕರ್ತವ್ಯಕ್ಕೆ ಅಧಿಕಾರಿಗಳು ಒಟ್ಟು 1,488 ಸಿಬ್ಬಂದಿಯನ್ನು ನಿಯೋಜನೆ ಮಾಡಲಾಗಿದೆ. ಮತದಾನಕ್ಕೆ 490 ಮತಗಟ್ಟೆಗಳನ್ನು ಸ್ಥಾಪಿಸಲಾಗಿದೆ. ಚುನಾವಣೆ ಕಾರ್ಯಕ್ಕೆ 41 ಬಸ್, 20 ಕ್ರೂಸರ್ ಹಾಗೂ 20 ಜೀಪುಗಳನ್ನು ಒಳಗೊಂಡು ಒಟ್ಟು 81 ವಾಹನಗಳನ್ನು ಬಳಕೆ ಮಾಡಿಕೊಳ್ಳಲಾಗುತ್ತಿದೆ.

 

ಅವಿರೋಧ ಆಯ್ಕೆ: ಜಿಲ್ಲೆಯಲ್ಲಿ ಈಗಾಗಲೇ ಹುನಗುಂದ ತಾಲ್ಲೂಕಿನ ಇಳಕಲ್, ಜಮಖಂಡಿ ತಾಲ್ಲೂಕಿನ ಜಮಖಂಡಿ, ಮುಧೋಳ ತಾಲ್ಲೂಕಿನ ಮಂಟೂರ ಹಾಗೂ ಚಿಚಖಂಡಿ ಬಿ.ಕೆ.ಕ್ಷೇತ್ರಗಳಿಗೆ ಅವಿರೋಧ ಆಯ್ಕೆ ನಡೆದಿದೆ.

 

ಅಲ್ಲಿನ ಮಹಾಲಿಂಗಪುರ ಟಿಎಪಿಎಂಎಸ್ ಕ್ಷೇತ್ರದ ಚುನಾವಣೆಗೆ ಹೈಕೋರ್ಟ್‌ನಿಂದ ತಡೆಯಾಜ್ಞೆ ಇರುವುದರಿಂದ ಅಲ್ಲಿ ಚುನಾವಣೆ ನಡೆಯುತ್ತಿಲ್ಲ ಎಂದು ತಿಳಿದುಬಂದಿದೆ.

 

ಮತ ಎಣಿಕೆ: ಇದೇ 14ರಂದು ಬಾಗಲಕೋಟೆಯ ಸರ್ಕಾರಿ ಬಾಲಕಿಯರ ಪದವಿಪೂರ್ವ ಕಾಲೇಜು, ಬಾದಾಮಿಯ ವೀರಪುಲಿಕೇಶಿ ವಿದ್ಯಾಸಮಿತಿ, ಹುನಗುಂದದ ವಿಜಯ ಮಹಾಂತೇಶ ಪ್ರೌಢಶಾಲೆ, ಜಮಖಂಡಿಯ ಸರ್ಕಾರಿ ಪದವಿಪೂರ್ವ ಕಾಲೇಜು, ಮುಧೋಳದ ಆರ್.ಎಂ.ಜಿ ಕಾಲೇಜು, ಬೀಳಗಿಯ ಸಿದ್ದೇಶ್ವರ ಪದವಿಪೂರ್ವ ಕಾಲೇಜಿನಲ್ಲಿ ಮತ ಎಣಿಕೆ ಕಾರ್ಯ ನಡೆಯಲಿದೆ.

 

**

ಬಾದಾಮಿ: ಶೇ 25.7 ಮತದಾನ

 

**