ಚುನಾವಣೆಗೆ ಅಖಾಡ ಸಜ್ಜು

ಮೂಡಿಗೆರೆ: ತಾಲ್ಲೂಕು ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿಯ 12 ಸ್ಥಾನಗಳಿಗೆ ಗುರುವಾರ ಚುನಾವಣೆ ನಡೆಯಲಿದ್ದು, ತಾಲ್ಲೂಕಿನ ರೈತಾಪಿ ವರ್ಗವು ಕಣದಲ್ಲಿರುವ 32 ಅಭ್ಯರ್ಥಿ ಗಳ ಭವಿಷ್ಯ ನಿರ್ಧರಿಸಲಿದ್ದಾರೆ.

 

ಎಪಿಎಂಸಿ ಚುನಾವಣೆಯು ಪಕ್ಷ ರಹಿತವಾಗಿ ನಡೆದರೂ ಸಹ, ಎಲ್ಲಾ ಪಕ್ಷಗಳೂ ಚುನಾವಣೆಯನ್ನು ಪ್ರತಿಷ್ಠೆಯಾಗಿ ತೆಗೆದುಕೊಂಡಿದ್ದು, ಈಗಾಗಲೇ ಸಹಕಾರ ಸಂಘದಲ್ಲಿ ಮತದಾನದ ಹಕ್ಕು ಪಡೆದಿರುವ ರೈತರ ಮನೆ ಬಾಗಿಲಿಗೆ ಸರ್ವ ಪಕ್ಷಗಳ ನಾಯಕರು ಭೇಟಿ ನೀಡಿ, ತಮ್ಮ ಅಭ್ಯರ್ಥಿಯನ್ನೇ ಗೆಲ್ಲಿಸುವಂತೆ ಮನವಿ ಮಾಡಿದ್ದಾರೆ.

 

ತಾಲ್ಲೂಕು ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿಯಲ್ಲಿ ಒಟ್ಟು 13 ಸ್ಥಾನಗಳಿದ್ದು, ಬಣಕಲ್‌ ಕ್ಷೇತ್ರಕ್ಕೆ ಕುಂದೂರು ವಿಜೇಂದ್ರ ಎಂಬ ವವರು ಅವಿರೋಧವಾಗಿ ಆಯ್ಕೆಯಾಗಿರು ವುದರಿಂದ, ಉಳಿದ ಹನ್ನೆರೆಡು ಕ್ಷೇತ್ರ ಗಳಿಗೆ ಚುನಾವಣೆ ನಡೆಯಲಿದೆ. ಇದರಲ್ಲಿ ಮಾರಾಟ ಸಹಕಾರ ಕ್ಷೇತ್ರ ಹಾಗೂ ವರ್ತಕರ ಕ್ಷೇತ್ರದಿಂದ ತಲಾ ಒಬ್ಬರು ಪ್ರತಿನಿಧಿ ಆಯ್ಕೆಯಾಗಬೇಕಿದೆ.

 

ತರೀಕೆರೆ ಅಖಾಡ ಸಜ್ಜು 

ತರೀಕೆರೆ: ತಾಲ್ಲೂಕಿನ ಎಪಿಎಂಸಿಗೆ ಗುರುವಾರ ಚುನಾವಣೆಗೆ ಅಖಾಡ ರೆಡಿಯಾಗಿದ್ದು, ರಾಜಕೀಯ ಪಕ್ಷ ಗಳಿಗೆ ತಮ್ಮ ಬೆಂಬಲಿತ ಅಭ್ಯರ್ಥಿ ಗಳನ್ನು ಗೆಲ್ಲಿಸಿಕೊಳ್ಳುವುದು ಪ್ರತಿಷ್ಠೆಯ ವಿಷಯವಾಗಿ ಪರಿಣ ಮಿಸಿದ ಕಾರಣ ಚುನಾವಣೆ ತೀವ್ರ ಕುತೂಹಲ ಮೂಡಿಸಿದೆ. 

 

ಇಲ್ಲಿನ ಕ್ಷೇತ್ರವಾರು ಮತದಾರರ ಸಂಖ್ಯೆ  ಕಸಬಾ 4560, ಲಕ್ಕವಳ್ಳಿ 3256, ಲಿಂಗದಹಳ್ಳಿ 7143, ಹುಣಸಘಟ್ಟ 7741, ಬುಕ್ಕಾಂಬುದಿ 10,789, ಶಿವನಿ 7,827, ಗಡಿಹಳ್ಳಿ 5114 ಹಾಗೂ ಸಹಕಾರ ಕ್ಷೇತ್ರ 13 . ಎಪಿಎಂಸಿಯು ಒಟ್ಟು 13 ಕ್ಷೇತ್ರ ಗಳನ್ನು ಹೊಂದಿದ್ದು ಈಗಾಗಲೇ 5 ಕ್ಷೇತ್ರಗಳಲ್ಲಿ ಕೆ.ಎಲ್.ನಾಗರಾಜ್ (ಕರಕುಚ್ಚಿ ಕ್ಷೇತ್ರ), ಚಂದ್ರಶೇಖರ್ (ಕುಡ್ಲೂರು), ಎಂ.ಕೃಷ್ಣಮೂರ್ತಿ (ಅಜ್ಜಂಪುರ), ಟಿ.ಆರ್.ಶ್ರೀಧರ್ (ವರ್ತಕರ ಕ್ಷೇತ್ರ) ಎಸ್. ಮಂಜುಳಾ (ಬೇಲೆನಹಳ್ಳಿ ಮಹಿಳಾ ಮೀಸಲು ಕ್ಷೇತ್ರ) ಅವಿರೋಧ  ಆಯ್ಕೆಯಾ ಗಿದ್ದಾರೆ.

 

ಉಳಿದ 8ಕ್ಷೇತ್ರಗಳಿಂದ  ಶಿವನಿ (ಬಿಸಿಎಂ,ಎ) ಕ್ಷೇತ್ರದಿಂದ, ಎಸ್. ಪರಮೇಶಪ್ಪ, ಟಿ.ಎಂ. ತಿಪ್ಪೇಶಪ್ಪ, ಶಿವಮೂರ್ತಿ, ಬುಕ್ಕಾಂಬುಧಿ (ಬಿಸಿಎಂ,ಬಿ)ಕ್ಷೇತ್ರದಿಂದ, ಎಚ್.ಆರ್.ಕುಮಾರ್ ಕಣದಲ್ಲಿದ್ದಾರೆ.