ಹಣದ ಉಪಯೋಗ ಮತ್ತು ಚಲಾವಣೆಯನ್ನು ಕಡಿಮೆ ಮಾಡುವ ಅಥವಾ ಇಲ್ಲದಂತೆ ಮಾಡುವ ಭರದಲ್ಲಿ ಜನರ ಚಿಕ್ಕ ಚಿಕ್ಕ ಆನಂದಗಳನ್ನು ಕಿತ್ತುಕೊಳ್ಳಬಹುದೇ? ನಗದು ಸಂಬಳ ತೆಗೆದುಕೊಂಡು ಗರಿ ಗರಿ ನೋಟುಗಳನ್ನು ಮುಟ್ಟುವ, ತಾಯಿಯ ಕೈಗೊ, ತಂದೆಯ ಕೈಗೊ ಅಥವಾ ಹೆಂಡತಿಯ ಕೈಗೊ ಕೊಟ್ಟಾಗ ಅವರು ಕಣ್ಣರಳಿಸಿ ನೋಡಿ ಪಡುವ ಸಂಭ್ರಮ ಮತ್ತು ಆನಂದವನ್ನು ಕಸಿದುಕೊಂಡಂತಾಗುವುದಿಲ್ಲವೇ?
ಸಂಬಳ ತೆಗೆದುಕೊಂಡು ಮನೆಗೆ ಬರುವಾಗ ಸಿಹಿ ತಿಂಡಿಯೊ, ಹಣ್ಣೊ, ಹೂವೊ ತಂದು ಹೆಂಡತಿ ಮತ್ತು ಮಕ್ಕಳಿಗೆ ಕೊಟ್ಟಾಗ ಅವರು ಅನುಭವಿಸುವ ಆನಂದವನ್ನು ಕಿತ್ತುಕೊಂಡಂತಾಗುವುದಿಲ್ಲವೇ?