ಅಸಡ್ಡೆ ತೋರುವ ಪಿಡಿಒ ವಿರುದ್ಧ ಕ್ರಮ

 

ತಾಲ್ಲೂಕು ಪಂಚಾಯಿತಿ ಸಭಾಂಗಣದಲ್ಲಿ ನರೇಗಾ ಯೋಜನೆಯ ಪ್ರಗತಿ ಪರಿಶೀಲನೆ ನಡೆಸಿ ಅವರು ಮಾತನಾಡಿದರು. ಪ್ರತಿ ಪಿಡಿಒ ನರೇಗಾ ಬಗ್ಗೆ ಅಸಡ್ಡೆ ತೋರುತ್ತಿದ್ದೀರಿ. ಯಾರು ಕಳಪೆ ಗುರಿ ಮುಟ್ಟುತ್ತಿರೋ, ಅವರ ವಿರುದ್ಧ ಕಠಿಣ ಕ್ರಮ ಹಾಗೂ ₹ 1 ಸಾವಿರ ದಂಡ ವಿಧಿಸಲಾಗುವುದು ಎಂದರು. 

 

‘ಜಿಲ್ಲೆಯಲ್ಲಿ ಇ-ಹಾಜರಾತಿ ಕಡ್ಡಾಯವಾಗಿದೆ. ಹೆಚ್ಚು ಪಿಡಿಒಗಳು ಇ–ಹಾಜರಾತಿ ಹಾಕುವರು. ಆದರೆ ಹಿಂದಿರುಗುವಾಗ ‘ಲಾಗ್ ಔಟ್’ ಆಗುತ್ತಿಲ್ಲ.  ನೀವುಗಳು ಕಚೇರಿಯಲ್ಲೇ ವಾಸ ಮಾಡುತ್ತಿರಾ? ಎಂದು ಪ್ರಶ್ನಿಸಿದರು.

 

ಪ್ರತಿ ಪಂಚಾಯಿತಿಯಿಂದ ತಲಾ 10 ಕೃಷಿ ಹೊಂಡ, ಕೊಟ್ಟಿಗೆ ನಿರ್ಮಾಣವಾಗಬೇಕು ಎಂದು  ಅಕ್ಟೋಬರ್‌ನಲ್ಲಿ ಹೇಳಿದ್ದರೂ ಚಾಲನೆ ನೀಡಿಲ್ಲ. ಜ.12ರ ಸ್ವಾಮಿ ವಿವೇಕಾನಂದ ಜಯಂತಿಯಂದು ನರೇಗಾ ಅಡಿ ನಿರ್ಮಾಣವಾಗಿರುವ ಕನಿಷ್ಠ ಮೂರು ಕ್ರೀಡಾಂಗಣಗಳನ್ನು ಉದ್ಘಾಟಿಸಬೇಕು ಎಂದು ತಾಕೀತು ಮಾಡಿದರು. 

 ಕೃಷಿ ಹೊಂಡ ನಿರ್ಮಾಣದ ಕುರಿತು ಕೃಷಿ ಇಲಾಖೆ ಸಹಾಯಕ ನಿರ್ದೇಶಕ ಚಿಕ್ಕಪ್ಪಯ್ಯ ಅಸಮಾಧಾನ ವ್ಯಕ್ತಪಡಿಸಿದರು.  

 

ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಕೆ.ಜೆ.ಶಾಂತರಾಂ ಮಾತನಾಡಿ, ‘ಪಿಡಿಒಗಳಿಗೆ ಯೋಜನೆಗಳ ಬಗ್ಗೆ ಸಮರ್ಪಕ ಮಾಹಿತಿ ಲಭ್ಯವಾಗದಿದ್ದಲ್ಲಿ ಇಲಾಖೆ ಸಂಪರ್ಕಿಸಿ. ಅರ್ಧ ತಿಳಿದವರಿಂದ ತಪ್ಪು ಮಾಹಿತಿ ತಿಳಿದು, ಕಾಮಗಾರಿ ನಡೆಸಬೇಡಿ’ ಎಂದರು.

 

ರೇಷ್ಮೆ ಇಲಾಖೆಯಲ್ಲಿ ಇಬ್ಬರು ಸಿಬ್ಬಂದಿ ಇದ್ದೇವೆ. ಯಾವುದೇ ಮೂಲ ಸೌಕರ್ಯ ಇಲ್ಲ. ತಾಲ್ಲೂಕಿನಲ್ಲಿ ತೋಟಗಾರಿಕಾ ಬೆಳೆಗೆ ರೈತರು ಆದ್ಯತೆ ನೀಡುತ್ತಿದ್ದು ನಿಗದಿತ ಗುರಿಮುಟ್ಟಲು ಸಾಧ್ಯವಾಗುತ್ತಿಲ್ಲ ಎಂದು ರೇಷ್ಮೆ ಇಲಾಖೆ ಸಹಾಯಕ ನಿರ್ದೇಶಕರು ಅಳಲು ತೋಡಿಕೊಂಡರು. 

 

ಅಮ್ಮನಘಟ್ಟ, ನಿಟ್ಟೂರು, ಶಿವಪುರ, ಹೊಸಕೆರೆ, ಅಂಕಸಂದ್ರ, ಕೊಂಡ್ಲಿ, ಹಾಗಲವಾಡಿ, ಅಮ್ಮನಘಟ್ಟ, ಪೆದ್ದನಹಳ್ಳಿ, ಎಂ.ಎಚ್.ಪಟ್ಟಣ ಪಂಚಾಯಿತಿಗಳು ನರೇಗಾ ಯೋಜನೆಯಡಿ ಕಾರ್ಮಿಕರಿಗೆ ನಿಗದಿತ ದಿನಗಳ ಕೆಲಸ ನೀಡಿಲ್ಲ ಎನ್ನುವ ದೂರುಗಳು ಕೇಳಿ ಬಂದವು. 

 

ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರಿ ಶಿವಪ್ರಕಾಶ್, ಯೋಜನಾಧಿಕಾರಿ ರಂಗಸ್ವಾಮಿ ಇತರರು ಇದ್ದರು. 

 

**

 

**