ಸಾರ್ವಜನಿಕರಿಗಿಲ್ಲ ಶೌಚಾಲಯ ಸೌಲಭ್ಯ

ಆದರೆ ಮಹಿಳಾ ಶೌಚಾಲಯದ ಬಾಗಿಲು ತೆರೆಯದೇ ಅನೇಕ ತಿಂಗಳು ಗಳು ಕಳೆದಿವೆ ಎಂಬುದಕ್ಕೆ ಸಾಕ್ಷಿಯಾಗಿ ಬಾಗಿಲಿಗೆ ಹಾಕಿರುವ ಬೀಗ ತುಕ್ಕು ಹಿಡಿದಿದೆ.

ಪುರುಷರ ವಿಭಾಗದಲ್ಲಿ ಎರಡು ಮೂತ್ರಿಗಳು, ಶೌಚಾಲಯ ಇದೆ. ಇಲ್ಲಿ ನೀರಿನ ವ್ಯವಸ್ಥೆ ಇಲ್ಲದ ಕಾರಣ ದಾರಿ ಯಲ್ಲಿ ಹಾದು ಹೋಗುವವರು ಮೂಗು ಮುಚ್ಚಿಕೊಂಡು ಹೋಗುವ ಸ್ಥಿತಿಯಿದೆ. ‘ಪಹಣಿ ಪತ್ರಿಕೆ ಪಡೆಯಲು ತಹಶೀ ಲ್ದಾರ್ ಕಚೇರಿಗೆ ಬಂದರೆ ಒಮ್ಮೊಮ್ಮೆ 3–4 ತಾಸು ಕಾದು ನಿಲ್ಲಬೇಕಾಗುತ್ತದೆ.

ಇಂತಹ ಸಂದರ್ಭದಲ್ಲಿ ನಿಸರ್ಗದ ಕರೆಗೆ ಶೌಚಾಲಯಕ್ಕೆ  ಹೋದರೆ ವಾಕರಿಕೆ ಬರುತ್ತದೆ. ಶೌಚಾಲಯದಲ್ಲಿ ನೀರಿನ ವ್ಯವಸ್ಥೆ ಇಲ್ಲ. ಒಡೆದಿರುವ ಪೈಪ್‌ನಿಂದ ನೀರು ಬರುವುದಿಲ್ಲ. ಅಸಹ್ಯ ಹುಟ್ಟಿಸುವ ಸ್ಥಿತಿಯಲ್ಲಿದ್ದರೂ ಜನರಿಗೆ ಶೌಚಾಲಯಕ್ಕೆ ಹೋಗುವುದು ಅನಿವಾರ್ಯ’ ಎನ್ನುತ್ತಾರೆ ರೈತ ಗಣಪತಿ ಹೆಗಡೆ.

‘ನಿತ್ಯವೂ ನೂರಾರು ಜನರು ಮಿನಿ ವಿಧಾನಸೌಧಕ್ಕೆ ಭೇಟಿ ನೀಡುತ್ತಾರೆ. ಹಳ್ಳಿಯಿಂದ ಬಂದ ಜನರಿಗೆ ಕಚೇರಿಯ ಆವರಣದಲ್ಲಿರುವ ಶೌಚಾಲಯ ಅವ ಲಂಬಿಸುವುದು ಅನಿವಾರ್ಯ ವಾಗು ತ್ತದೆ. ಮೂಗಿಗೆ ದುರ್ವಾಸನೆ ಬಡಿಯು ತ್ತಿದ್ದರೂ ಗೊಣಗಿಕೊಂಡು ಅಲ್ಲಿಗೆ ಹೋಗುತ್ತಾರೆ. ಇಷ್ಟು ದೊಡ್ಡ ಕಟ್ಟಡಕ್ಕೆ ಕಪ್ಪುಚುಕ್ಕೆಯಂತಿರುವ ಶೌಚಾಲಯದ ದುರವಸ್ಥೆಯನ್ನು ಸರಿಪಡಿಸಬೇಕು’ ಎಂದು ಅವರು ಹೇಳಿದರು.

ಈ ಕುರಿತು ತಹಶೀಲ್ದಾರ್ ಬಸಪ್ಪ ಪೂಜಾರಿ ಅವರ ಗಮನ ಸೆಳೆದಾಗ ‘ಕಚೇರಿ ಹೊರಗೆ ಪ್ರತ್ಯೇಕ ಕಟ್ಟಡದಲ್ಲಿ ಶೌಚಾಲಯವಿದೆ. ಕಿಡಿಗೇಡಿಗಳು  ಬಾಗಿಲು ಮುರಿದು ನೀರಿನ ಪೈಪ್‌ ಒಡೆದು ನಳಗಳನ್ನು ಕಿತ್ತುಹಾಕಿ ಹೋಗುತ್ತಾರೆ. ಈಗಾಗಲೇ 2–3 ಬಾರಿ ಇಂತಹುದೇ ಪ್ರಕರಣಗಳು ನಡೆದಿವೆ.

ಒಂದು ತಿಂಗಳ ಹಿಂದೆ ₹ 20ಸಾವಿರ ವೆಚ್ಚ ಮಾಡಿ ದುರಸ್ತಿಗೊಳಿಸಲಾಗಿತ್ತು’ ಎಂದರು. ‘ಕಟ್ಟಡಕ್ಕೆ ಸೂಕ್ತ ರಕ್ಷಣೆ ಮಾಡಿ ದುರಸ್ತಿಗೊಳಿಸುತ್ತೇವೆ. ಪೈಪ್, ನಳ ಅಳವಡಿಸಿ ನೀರಿನ ಸೌಲಭ್ಯ ಕಲ್ಪಿಸಲಾಗುವುದು. ಪೈಪ್ ಒಡೆದ ಕಾರಣಕ್ಕಾಗಿ ಅಲ್ಲಿನ ನೀರು ಇಲ್ಲದೇ ಶೌಚಾಲಯ ಸಧ್ಯ ದುಃಸ್ಥಿತಿಯಲ್ಲಿದೆ’ ಎಂದು ಅವರು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.

*
ಶೌಚಾಲಯದ ದುರಸ್ತಿ ಗಮನಕ್ಕೆ ಬಂದಿದ್ದು ಶೀಘ್ರ ಅದನ್ನು ಸರಿಪಡಿಸಿ ಸಾರ್ವಜನಿಕರಿಗೆ ಅನುಕೂಲ ಮಾಡಿಕೊಡಲಾಗುವುದು.
-ಬಸಪ್ಪ ಪೂಜಾರಿ,
ತಹಶೀಲ್ದಾರ್