26ರಂದು ‘ಅಲ್ಲಮ’ ತೆರೆಗೆ

ಬೆಂಗಳೂರು: 12ನೇ ಶತಮಾನದ ವಚನಕಾರ ಅಲ್ಲಮ ಪ್ರಭುವಿನ ಬದುಕು–ವಚನಗಳ ಕುರಿತಾದ ಚಿತ್ರ ‘ಅಲ್ಲಮ’ ಇದೇ ತಿಂಗಳ 26ರಂದು ತೆರೆ ಕಾಣಲಿದೆ.

ಭಾರತೀಯ ಅಂತರರಾಷ್ಟ್ರೀಯ ಸಿನಿಮೋತ್ಸವದ ಐಸಿಎಫ್‌ಟಿ ಯುನೆಸ್ಕೊ ಗಾಂಧಿ ಪದಕ ವಿಭಾಗಕ್ಕೆ 2016ರಲ್ಲಿ ಅಲ್ಲಮ ಸಿನಿಮಾ ನಾಮನಿರ್ದೇಶನಗೊಂಡು ಸುದ್ದಿಯಾಗಿತ್ತು.

ಟಿ.ಎಸ್‌. ನಾಗಾಭರಣ ನಿರ್ದೇಶನದ ಈ ಸಿನಿಮಾದಲ್ಲಿ ಧನಂಜಯ್‌, ಮೇಘನಾ ರಾಜ್, ‘ಸಂಚಾರಿ’ ವಿಜಯ್‌ ಹಾಗೂ ಲಕ್ಷ್ಮೀ ಗೋಪಾಲಸ್ವಾಮಿ ಸೇರಿದಂತೆ ಮುಂತಾದವರು ನಟಿಸಿದ್ದಾರೆ.

ಜಿ.ಎಸ್‌.ಭಾಸ್ಕರ್‌ ಛಾಯಾಗ್ರಹಣ ಹಾಗೂ ಬಾಪು ಪದ್ಮನಾಭ ಅವರ ಸಂಗೀತವಿದೆ. ಶ್ರೀಹರಿ ಎಲ್‌.ಖೋಡೆ ಚಿತ್ರದ ನಿರ್ಮಾಪಕರು.

ಜನವರಿ 26ರಂದು ರಾಜ್ಯದಾದ್ಯಂತ ಅಲ್ಲಮ ಚಿತ್ರ ಬಿಡುಗಡೆಯಾಗಲಿದೆ.