ಬೆಂಗಳೂರು: ಅಗ್ಗದ ವಿಮಾನ ಯಾನ ಸಂಸ್ಥೆ ಏರ್‌ ಏಷ್ಯಾ ಆರಂಭಿಸಿರುವ ಸ್ವದೇಶ ಮತ್ತು ವಿದೇಶ ಪ್ರಯಾಣದ ವಿಶೇಷ ಉತ್ತೇಜನಾ ಕೊಡುಗೆ ಮೂಲ ದರ ಕ್ರಮವಾಗಿ ₹ 99 ಮತ್ತು ₹ 999 ಇದೆ.
ಮೇ 1ರಿಂದ 2018ರ ಫೆಬ್ರುವರಿ 6ರವರೆಗೆ ಸ್ವದೇಶ ಮತ್ತು ಈ ವರ್ಷದ ಜುಲೈ 31ರ ಅವಧಿಯಲ್ಲಿ ವಿದೇಶಗಳಿಗೆ ಭೇಟಿ ನೀಡಲು ಈ ಮೂಲ ದರ ಆಧರಿಸಿ ಇದೇ 22ರವರೆಗೆ ಟಿಕೆಟ್‌ ಕಾದಿರಿಸಬಹುದು.
ಕ್ವಾಲಾಲಂಪುರ ಮತ್ತು ಬ್ಯಾಂಕಾಕ್‌ಗೆ ಪ್ರಯಾಣಿಸಲೂ ಈ ಮೂಲ ದರ ಆಧರಿಸಿದ ಅಗ್ಗದ ಟಿಕೆಟ್‌ ಖರೀದಿಸಬಹುದು. airasia.com, mobile.airasia.com ಮತ್ತು ಮೊಬೈಲ್‌ ಆ್ಯಪ್ ಮೂಲಕ ಟಿಕೆಟ್‌ ಕಾದಿರಿಸಬಹುದು ಎಂದು ಸಂಸ್ಥೆ ತಿಳಿಸಿದೆ.
