ಬೆಂಗಳೂರು: ರಿಟೇಲ್‌ ಸರಣಿ ಮಳಿಗೆ ಫ್ಯೂಚರ್ ಗ್ರೂಪ್‌ನ ಬಿಗ್‌ ಬಜಾರ್‌, ಇದೇ 21 ರಿಂದ 26ರವರೆಗೆ ‘ಅತ್ಯಂತ ಅಗ್ಗದ 6 ದಿನಗಳ’ (ಸಬ್ಸೆ ಸಸ್ತೆ 6 ದಿನ್‌) ವಿಶೇಷ ಮಾರಾಟ ಹಮ್ಮಿಕೊಂಡಿದೆ.
ಈ 6 ದಿನಗಳ ಕಾಲ ಎಲ್ಲ ಬಗೆಯ ವೈವಿಧ್ಯಮಯ ಸರಕಗಳ ಮೇಲೆ ಅಗ್ಗದ ಬೆಲೆ ಸೇರಿದಂತೆ ಹಲವಾರು ಆಕರ್ಷಕ ಕೊಡುಗೆಗಳನ್ನು ಪ್ರಕಟಿಸಲಾಗಿದೆ. ₹ 2 ಸಾವಿರ ಮತ್ತು ಅದಕ್ಕಿಂತ ಹೆಚ್ಚಿನ ಮೊತ್ತದ ಸರಕು ಖರೀದಿಸುವ ಗ್ರಾಹಕರಿಗೆ ಫ್ಯೂಚರ್ ಪೇ ವಾಲೆಟ್‌ನಲ್ಲಿ ₹ 400 ಮರಳಿಸಲಾಗುತ್ತಿದೆ. ಪೇಟಿಎಂ ಬಳಕೆದಾರರಿಗೆ ಸುಲಭ ತಿಂಗಳ ಕಂತು ಮತ್ತು ರಿಯಾಯ್ತಿ ಸೌಲಭ್ಯ ಒದಗಿಸಲಾಗುವುದು.
‘ಪ್ರತಿ ವರ್ಷದ ಗಣರಾಜ್ಯೋತ್ಸವ ಸಂದರ್ಭದಲ್ಲಿ ನಡೆಯುವ ಈ ಅಗ್ಗದ ಬೆಲೆಯ ವಿಶೇಷ ಮಾರಾಟವು ಈಗ 12ನೆ ವರ್ಷಕ್ಕೆ ಕಾಲಿರಿಸಿದೆ. ಈ ಬಾರಿ ಗ್ರಾಹಕರಿಗೆ ಹೆಚ್ಚು ರಿಯಾಯ್ತಿ ಒದಗಿಸಲು ‘ ಈಗ ಇನ್ನಷ್ಟು ಅಗ್ಗ’ (ಅಬ್‌ ಔರ್ ಭೀ ಸಸ್ತಾ) ಕೊಡುಗೆ ನೀಡಲಾಗುತ್ತಿದೆ’ ಎಂದು ಸಂಸ್ಥೆಯ ಸಿಇಒ ಸದಾಶಿವ ನಾಯಕ್‌ ತಿಳಿಸಿದ್ದಾರೆ.
