ಶರೀಫರು ಹೇಳಿದ್ದೆಲ್ಲ ಹಾಡಾಯಿತು

ಪಟ್ಟಣದ ಎಪಿಎಂಸಿ ಆವರಣದಲ್ಲಿ ಶುಕ್ರವಾರ 9ನೇ ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ನಡೆದ ಕೃಷಿ ಸಂಸ್ಕೃತಿ ಗೋಷ್ಠಿ–4ರಲ್ಲಿ ಪಾಲ್ಗೊಂಡು ‘ತೋಟಗಾರಿಕೆ ಬೆಳೆಗಳು’ ಕುರಿತು ಮಾತನಾಡಿದರು.

‘ಅನ್ನದಾತ ಬಾಂಧವರು ರಾಸಾಯನಿಕ ಪದ್ಧತಿ ಬಿಟ್ಟು ಸಾವ ಯವ ಪದ್ಧತಿಯತ್ತ ಸಾಗಬೇಕಿದೆ. ಆ ಮೂಲಕ ಅಭಿವೃದ್ಧಿ ಪಥ ತುಳಿಯಬೇಕಿದೆ’ ಎಂದರು.
ಕೃಷಿ ವಿಜ್ಞಾನಿ ಡಾ.ಎಸ್‌.ಎಸ್‌. ದೇಸಾಯಿ ಮಾತನಾಡಿ, ‘ಜಗತ್ತಿಗೆ ಮಾದರಿಯಾದ ಭಾರತೀಯ ಕೃಷಿ ಕ್ಷೇತ್ರ ಇಂದು ಋತುಮಾನಕ್ಕೆ ತಕ್ಕಂತೆ ಮಳೆ–ಬೆಳೆ ಬಾರದೆ ಕೃಷಿ ಬಿಕ್ಕಟ್ಟಿಗೆ ಸಿಲುಕಿಕೊಂಡಿದೆ. ಕೇವಲ ಕೃಷಿ ಕ್ಷೇತ್ರ ಬಿಕ್ಕಟ್ಟಿಗೆ ಸಿಲುಕದೇ ಸಾಮಾಜಿಕ ಮೂಲ ಬಿಕ್ಕಟ್ಟಿಗೂ ಕಾರಣವಾಗುತ್ತಿದೆ’ ಎಂದರು.

‘ಜಾನುವಾರುಗಳೇ ಈ ಕೃಷಿ ಕ್ಷೇತ್ರದ ಪ್ರಮುಖ ಆಧಾರ ಸ್ತಂಭ. ಆದರೆ, ಕೃಷಿಯಲ್ಲಿ ಜಾನುವಾರುಗಳ ಬಳಕೆ ಕಡಿಮೆಯಾಗುತ್ತಿದೆ. ಹೀಗಾಗಿ ಕೃಷಿ ಬಲ ಕಳೆದುಕೊಳ್ಳುತ್ತಿದೆ. ಚಿಕ್ಕ ಹಿಡುವಳಿದಾರರಿಂದ ಭೂಮಿ ತುಂಡಾಗಿ ಹೊಸ ತಂತ್ರಜ್ಞಾನ ಬಳಕೆಯಲ್ಲಿ ಹಿನ್ನಡೆಯಾಗಿದೆ’ ಎಂದು ಅಭಿಪ್ರಾಯಪಟ್ಟರು.
ಮುಂಡರಗಿಯ ಪ್ರಗತಿಪರ ರೈತ ವೈ.ಎನ್‌.ಗೌಡರ ‘ಕೃಷಿ ಕ್ಷೇತ್ರದ ಬಿಕ್ಕಟ್ಟುಗಳು’ ಕುರಿತು ವಿಷಯ ಮಂಡಿಸಿದರು.

‘ರೈತ ಬೆನ್ನೆಲಬು ಎಂದು ಹೇಳುವ ರಾಜಕಾರಣಿಗಳಿಂದಲೇ ಆತನ ಬೆನ್ನು ಮುರಿಯುವ ಕೆಲಸ ನಡೆದಿದೆ. ಹೀಗಾಗಿ ಆತನ ಪರಿಸ್ಥಿತಿ ಸುಧಾರಿಸುತ್ತಿಲ್ಲ’ ಎಂದು ವಿಷಾದಿಸಿದರು.
ಮಾಜಿ ಸಂಸದ ಮಂಜುನಾಥ ಕುನ್ನೂರ ಮಾತನಾಡಿದರು.

ಬಮ್ಮನಹಳ್ಳಿ ಕೃಷಿ ಅಧಿಕಾರಿ ಚನ್ನಪ್ಪ ಅಂಗಡಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ರೈತರಾದ ರಾಮಣ್ಣ ಸಣ್ಮನಿ, ಗದಿಗೆಪ್ಪ ತಾರಿಹಾಳ, ಮೈಲಾರೆಪ್ಪ ತಳಳ್ಳಿ, ನಿಂಗಪ್ಪ ಕಮ್ಮಾರ, ರಮಾಕಾಂತ ಭಟ್ಟ, ಮೌನೇಶ ಬಡಿಗೇರ, ಈಶ್ವರಗೌಡ ಪಾಟೀಲ, ರಾಮಣ್ಣ ತಳ್ಳಳ್ಳಿ ಮತ್ತಿತರರು ಇದ್ದರು. ನಾಗರಾಜ ಅಗಡಿ ಸ್ವಾಗತಿಸಿ ದರು. ಅಶೋಕ ಹಳ್ಳಿ ನಿರೂಪಿಸಿ ದರು.ಕೆ.ಬಸಣ್ಣ ವಂದಿಸಿದರು.

ನಿರ್ಣಯಗಳು ...
* ­ಶಿಶುವಿನಹಾಳ ಶರೀಫರ ಕೇತ್ರವನ್ನು ರಾಷ್ಟ್ರೀಯ ಭಾವೈಖ್ಯತಾ ಕೇಂದ್ರವನ್ನಾಗಿ ಮಾಡಬೇಕು.

* ­ಕನಕದಾಸರ ಜನ್ಮಸ್ಥಳ ಬಾಡ ಸಮಗ್ರ ದಾಸ ಸಾಹಿತ್ಯದ ರಾಷ್ಟ್ರೀಯ ಅಧ್ಯಯನ ಮತ್ತು ಸಂಶೋಧನಾ ಕೇಂದ್ರವನ್ನಾಗಿ ಮಾಡುವುದು.
* ­ಅಬಲೂರ-ಮಾಸೂರಲ್ಲಿ ಸರ್ವಜ್ಞನ ಅಧ್ಯಯನ ಕೇಂದ್ರವನ್ನಾಗಿ ನಿರ್ಮಿಸುವುದು.
* ­ರನ್ನಕವಿ ವಿದ್ಯಾಬ್ಯಾಸ ಮಾಡಿದ ಬಂಕಾಪುರವನ್ನು ರನ್ನಮಯ್ಯ ಸಾಂಸ್ಕೃತಿಕ ಕೇಂದ್ರವನ್ನಾಗಿ ಮಾಡುವುದು.
* ­ಬೇಡ್ತಿ-–ವರದಾ ನದಿ ಜೋಡಣೆ ಕಾರ್ಯ ಕೈಗೊಳ್ಳುವುದು.
* ­ತುಂಗಾ ಮೆಲ್ದಂಡೆ ಯೋಜನೆಯಲ್ಲಿ ತೀರ್ಥಹಳ್ಳಿ ಬಳಿ  ಮಾಲತಿ ಡ್ಯಾಂ ನಿರ್ಮಿಸುವುದು.
* ­ಬ್ಯಾಡಗಿಯಲ್ಲಿ ಸ್ಪಾಯಿಸ್ ಮಂಡಳಿ ನಿರ್ಮಾಣ ಮಾಡುವುದು.
* ­ಧಾರವಾಡದಲ್ಲಿ ಸ್ಥಾಪನೆಯಾಗಿರುವ ಐಐಟಿಯಲ್ಲಿ ಕರ್ನಾಟಕದವರಿಗೆ ಶೇ.25 ರಷ್ಟು ಸ್ಥಾನಗಳನ್ನು ಮೀಸಲಿಡಬೇಕು.
* ­ಕರ್ನಾಟಕದಲ್ಲಿ ರಾಜ್ಯ ಭಾಷೆಯಾದ ಕನ್ನಡದಲ್ಲಿ 1ರಿಂದ 10ನೇ ತರಗತಿವರೆಗೆ ಕನ್ನಡ ಶಿಕ್ಷಣ ಕಡ್ಡಾಯವಾಗಲಿ.
* ­ಹಾವೇರಿಯಲ್ಲಿ ಮುಂದಿನ ವಿಶ್ವ ಕನ್ನಡ ಸಮ್ಮೇಳನ ನಡೆಯಲಿ.
* ­ರಾಜ್ಯದಲ್ಲಿ ಸ್ಥಳೀಯರಿಗೆ ಉದ್ಯೋಗ ದೊರಕುವ ಕೈಗಾರಿಕೆಗಳು ಹೆಚ್ಚು ಹೆಚ್ಚಾಗಿ ಸ್ಥಾಪನೆಗೆ ಸರ್ಕಾರ ಕ್ರಮಕೈಗೊಳ್ಳಬೇಕು.
* ­ರಾಜ್ಯದ ಎಲ್ಲ ಸಣ್ಣ ಮತ್ತು ಅತಿ ಸಣ್ಣ ರೈತರ ಕೃಷಿ ಸಾಲ ಮನ್ನಾ ಮಾಡಲು ಸರ್ಕಾರಗಳು ಕ್ರಮಕೈಗೊಳ್ಳಬೇಕು.
* ­ಹಿರೇಕೆರೂರು ತಾಲ್ಲೂಕಿನ ಶ್ರೀದುಗಾದೇವಿ ಕೆರೆಗೆ ನೀರು ತುಂಬಿಸುವ ಯೋಜನೆ ಅನುಷ್ಠಾನಗೊಳಿಸಬೇಕು. 
* ­ಹಿರೇಕೆರೂರು ತಾಲ್ಲೂಕಿನ ಮದಗ ಕೆಂಚಮ್ಮ ಮದಗ ಕೆರೆ ಅಭಿವೃದ್ಧಿಪಡಿಸಬೇಕು.