ಬ್ರೆಡ್ಡಪ್ಪನ ಕುಯುಕ್ತಿ!

ಮಕ್ಕಳ ಪದ್ಯ

ಪ್ರಕಾಶ ಎಸ್.ಮನ್ನಂಗಿ

Last Updated 21 ಜನವರಿ 2017, 19:30 IST

ಅಕ್ಷರ ಗಾತ್ರ

ಕಾರನು ಏರಿ ಬ್ರೆಡ್ಡಪ್ಪ

ಹೊರಟನು ಹಳ್ಳಿಯ ಕಡೆಗೆ.

ಹತ್ತಾರು ವರುಷ ಸಿಟಿಯಲಿ

ಬೇಕರಿ ಮಾಡಿದ ದೌಲತ್ತು

ತೋರಲು ಅವರೆಡೆಗೆ!

ಹಳ್ಳಿಯ ಓಣಿಲಿ

ಕಾರಿನ ಹಾರನು

ಕುಣಿದವು ಚಿಳ್ಳೆ ಪಿಳ್ಳೆ!

ಕಾರಿನ ತುಂಬ

ಬ್ರೆಡ್ಡಿನ ಘಮಲು

ಚಿಣ್ಣರ ಬಾಯಲಿ ಜೊಲ್ಲು!

ಕರೆಯುತ ಚಿಣ್ಣರ

ಹಂಚಿದ ಬ್ರೆಡ್ಡು

ಊರಿನ ತುಂಬ ಗುಲ್ಲು!

ಮುದುಕರು ಬಂದರು

ಹುಡುಗರು ತಿಂದರು

ಹುಡುಗಿಯರೆಲ್ಲ ಕೇಳಿದರು!

ಚಡ್ಡಿ ದೋಸ್ತ ಬೆಣ್ಣೆಪ್ಪ

ಬಂದನು ಹುಡುಕುತ

ಬ್ರೆಡ್ಡಪ್ಪನ ಕಾರನ್ನು.

ಸಡಗರದಿಂದ ಒತ್ತಾಯ ಮಾಡಿ

ಮನೆಗೇ ಕರೆದನು ದೋಸ್ತನನು.

ಆಹಾ! ಓಹೋ!! ಎನ್ನುತ

ಸವಿದರು ಬ್ರೆಡ್ಡಿನ ರುಚಿಯನ್ನು!

ಬೆಣ್ಣೆಪ್ಪನ ಮನೆಯ

ಆಕಳು, ಎಮ್ಮೆಯ ಹಯನವ

ಕಂಡು ಬಂದಿತು

ಐಡಿಯಾ ಬ್ರೆಡ್ಡಪ್ಪನಿಗೆ.

ಕರಾರು ಮಾಡಿದ:

ದಿನವೂ ಬಸ್ಸಿಗೆ

ಸಿಟಿಯಿಂದ ಕಳಿಸುವೆ ಕೆಜಿ ಬ್ರೆಡ್ಡನ್ನು

ಅದರ ಬದಲಿಗೆ

ನೀನೂ ಕಳಿಸು ಕೆಜಿ ಬೆಣ್ಣೆಯನು.

ಇಬ್ಬರೂ ಒಪ್ಪಿ ಬೆಣ್ಣೆ ಬ್ರೆಡ್ಡನು

ಅದಲು ಬದಲು ಮಾಡಿದರು.

ತಿಂಗಳು ಉರುಳಲು ಬ್ರೆಡ್ಡಪ್ಪನಿಗೆ

ಬಂದಿತು ಸಂಶಯ ತೂಕವು ಸರಿಯಿಲ್ಲ!

ಹಳ್ಳಿಗೆ ಹೋಗಿ ಪಂಚರ ಕೂಡಿಸಿ

ಹೇಳಿದ ತನ್ನ ಅಹವಾಲು.

ನನಗೇನೂ ತಿಳಿಯದು

ಕೆಜಿಯ ತೂಕದ ಕಲ್ಲೇ

ಇಲ್ಲ ನನ್ನಯ ಮನೆಯಲ್ಲಿ.

ದಿನವೂ ಬ್ರೆಡ್ಡಿನಷ್ಟೇ

ತೂಕದ ಬೆಣ್ಣೆಯ

ಕಳಿಸುತಲಿದ್ದೆ ನಾನಿಲ್ಲಿ!

ವಿಷಯವ ಅರಿತು

ಪಂಚರು ಹಳಿದರು

ಬ್ರೆಡ್ಡಪ್ಪನ ಕುಯುಕ್ತಿಯನು!

ಮಾಡಿದ ತಪ್ಪಿನ ಅರಿವಾಗುತಲಿ

ಕ್ಷಮೆಯನು ಯಾಚಿಸಿ

ಬ್ರೆಡ್ಡಪ್ಪ ಅಪ್ಪಿದ ಗೆಳೆಯನನು!

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ಬ್ರೆಡ್ಡಪ್ಪನ ಕುಯುಕ್ತಿ!

ಚಿನಕುರಳಿ: ಗುರುವಾರ, 25 ಏಪ್ರಿಲ್ 2024

ಚುರುಮುರಿ | ಚೊಂಬು–ಚಿಪ್ಪು!

ಚಾಮರಾಜನಗರ: ಸೂಲಿಬೆಲೆ ಭಾಷಣ ಅರ್ಧಕ್ಕೆ ಮೊಟಕು

ದಿನ ಭವಿಷ್ಯ: ಈ ರಾಶಿಯವರ ಸಾಂಸಾರಿಕ ಸ್ಥಿತಿಗತಿ ಉತ್ತಮವಾಗಿರುತ್ತದೆ

ಟಿ20 ವಿಶ್ವಕಪ್ |ಶೀಘ್ರದಲ್ಲಿ ಭಾರತ ತಂಡ ಪ್ರಕಟ: 2ನೇ ಕೀಪರ್‌ ಸ್ಥಾನಕ್ಕೆ ರಾಹುಲ್?

ಆರ್ಚರಿ ವಿಶ್ವಕಪ್‌: ಫೈನಲ್‌ಗೆ ಪುರುಷರ ರಿಕರ್ವ್ ತಂಡ

IPL 2024 | RCB vs SRH; ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡ ಬೆಂಗಳೂರು

ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಿದ ಪಾಕ್‌ ಆಟಗಾರ್ತಿ ಬಿಸ್ಮಾ ಮರೂಫ್

ಒಳನೋಟ: ಬೂದಿ ಹಾರುತಿದೆ.. ಜೀವ ಹಿಂಡುತಿದೆ..

ಒಳನೋಟ: ಕುಲುಮೆ ಕಳಚಿದ ಕಮ್ಮಾರರು

ಒಳನೋಟ | ಹಿರಿಯರಿಗೆ ಸಿಗಲಿ ‘ಸಂಧ್ಯಾ’ ಆಸರೆ

ಒಳನೋಟ: ಜಲಕ್ಷಾಮದಲ್ಲಿ ವನ್ಯಲೋಕ

ಚಿನಕುರಳಿ: ಗುರುವಾರ, 25 ಏಪ್ರಿಲ್ 2024

ಚುರುಮುರಿ | ಚೊಂಬು–ಚಿಪ್ಪು!

ಚಾಮರಾಜನಗರ: ಸೂಲಿಬೆಲೆ ಭಾಷಣ ಅರ್ಧಕ್ಕೆ ಮೊಟಕು

ದಿನ ಭವಿಷ್ಯ: ಈ ರಾಶಿಯವರ ಸಾಂಸಾರಿಕ ಸ್ಥಿತಿಗತಿ ಉತ್ತಮವಾಗಿರುತ್ತದೆ