ಒಂಚೂರು

18ನೇ ಶತಮಾನದಲ್ಲಿ ಸಾಗರದ ಪ್ರಯಾಣಿಕರನ್ನು ‘ಸ್ಕರ್ವಿ’ ಎಂಬ ಕಾಯಿಲೆ ಬಾಧಿಸಿತು. ವಿಟಮಿನ್ ‘ಸಿ’ ಕೊರತೆಯಿಂದ ಬಂದ ರೋಗ ಇದು. ಬ್ರಿಟಿಷ್ ನಾವಿಕ ಕ್ಯಾಪ್ಟನ್ ಜೇಮ್ಸ್ ಕುಕ್ ಮಾತ್ರ ಈ ಕಾಯಿಲೆ ಹತ್ತಿರಕ್ಕೂ ಸುಳಿಯದಂತೆ ನೋಡಿಕೊಂಡ. ಅವನು ಪ್ರಯಾಣದ ಉದ್ದಕ್ಕೂ ‘ಸಾರ್ಕ್ರಾಟ್‌’ ಎಂಬ ಕೋಸಿನಿಂದ ತಯಾರಿಸಿದ ಖಾದ್ಯಗಳನ್ನು ಸೇವಿಸುತ್ತಿದ್ದ. ಅದನ್ನು ತಿಂದರೆ ‘ಸ್ಕರ್ವಿ’ ರೋಗ ಬಾರದು ಎಂದು ಅವನು ಕಂಡುಕೊಂಡಿದ್ದ. ಸಹ ಪ್ರಯಾಣಿಕರಿಗೂ ಅದನ್ನೇ ತಿನ್ನುವಂತೆ ಸೂಚಿಸುತ್ತಿದ್ದ.