ಕೋಲ್ಕತ್ತ (ಪಿಟಿಐ): ಟಾಟಾ ಮೋಟಾರ್ಸ್‌ ಕಂಪೆನಿ ಏಪ್ರಿಲ್–ಡಿಸೆಂಬರ್‌ ಅವಧಿಯಲ್ಲಿ 1.2 ಲಕ್ಷ ಪ್ರಯಾಣಿಕ ಕಾರುಗಳನ್ನು ಮಾರಾಟ ಮಾಡಿದೆ.
‘ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಈ ಬಾರಿ ಮಾರಾಟದಲ್ಲಿ ಶೇ 18ರಷ್ಟು ಏರಿಕೆ ಕಂಡಿದೆ’ ಎಂದು ಕಂಪೆನಿ ಉಪಾಧ್ಯಕ್ಷ ಎಸ್‌.ಎನ್‌. ಬರ್ಮನ್‌ ಅವರು ತಿಳಿಸಿದ್ದಾರೆ.
‘ಸದ್ಯ, ಪ್ರಯಾಣಿಕ ಕಾರು ವಿಭಾಗದಲ್ಲಿ ಕಂಪೆನಿ ಶೇ 5.5 ರಷ್ಟು ಮಾರುಕಟ್ಟೆ ಷೇರನ್ನು ಹೊಂದಿದೆ. ಟಾಟಾ ಹೆಕ್ಸಾ ಬಿಡುಗಡೆಯಿಂದ ಮುಂದಿನ ದಿನಗಳಲ್ಲಿ ಮಾರುಕಟ್ಟೆ ಷೇರು ಇನ್ನಷ್ಟು ಹೆಚ್ಚಾಗುವ ನಿರೀಕ್ಷೆ ಇದೆ’ ಎಂದಿದ್ದಾರೆ.
‘ನೋಟು ರದ್ದತಿ ಸಂದರ್ಭದಲ್ಲಿಯೂ ಕಂಪೆನಿಯ ಪ್ರಯಾಣಿಕ ಕಾರು ಮಾರಾಟ ಉತ್ತಮ ಪ್ರಗತಿ ದಾಖಲಿಸಿದೆ. ನವೆಂಬರ್‌–ಡಿಸೆಂಬರ್‌ ಅವಧಿಯಲ್ಲಿ ಆರೋಗ್ಯಕರ ಮಾರಾಟ ಪ್ರಗತಿ ಕಂಡಿದೆ’ ಎಂದೂ ಅವರು ತಿಳಿಸಿದ್ದಾರೆ.
