ಬೀಜಿಂಗ್ (ಪಿಟಿಐ): ಭಾರತೀಯರಿಗೆ ನೀಡಿದ್ದ ಮುಕ್ತ ವೀಸಾ ಸೌಲಭ್ಯವನ್ನು ಹಾಂಕಾಂಗ್ ಹಿಂಪಡೆದಿದ್ದು, ಸೋಮವಾರದಿಂದ ಭಾರತೀಯ ಪ್ರಯಾಣಿಕರು ಆನ್ಲೈನ್ ಮೂಲಕ ಮೊದಲೇ ನೋಂದಣಿ ಮಾಡಿಕೊಂಡು ಪ್ರಯಾಣ ಮಾಡಬೇಕು ಎಂದು ಹಾಂಕಾಂಗ್ನ ವಲಸೆ ಇಲಾಖೆ ವೆಬ್ಸೈಟ್ನಲ್ಲಿ ಘೋಷಿಸಿದೆ.
‘ಭಾರತೀಯ ನಾಗರಿಕರು ಇನ್ನು ಮುಂದೆ ಹಾಂಕಾಂಗ್ಗೆ ಬರುವ ಮುನ್ನ ಕಡ್ಡಾಯವಾಗಿ ಆನ್ಲೈನ್ನಲ್ಲಿ ಹೆಸರು ನೋಂದಣಿ ಮಾಡಿ ಬರಬೇಕು’ ಎಂದು ವೆಬ್ಸೈಟ್ ಹೇಳಿದೆ. ಈ ಬಗ್ಗೆ ಭಾರತೀಯ ರಾಯಭಾರ ಕಚೇರಿಗೂ ಪತ್ರ ರವಾನಿಸಿದೆ.
ಪ್ರತಿ ವರ್ಷ ಸುಮಾರು ಐದು ಲಕ್ಷ ಭಾರತೀಯರು ಹಾಂಕಾಂಗ್ಗೆ ಭೇಟಿನೀಡುತ್ತಿದ್ದು, ಈ ನಿಯಮದಿಂದಾಗಿ ಪ್ರಯಾಣಿಕರಿಗೆ ತೊಂದರೆಯಾಗಲಿದೆ ಎಂದು ವಿಶ್ಲೇಷಿಸಲಾಗಿದೆ.