ಜಾಲತಾಣದ ಮೂಲಕ ಸಂಭ್ರಮ ವೀಕ್ಷಣೆ

ಲೇಖಕ ಮಂಜುನಾಥ ಅಜ್ಜಂಪುರ ಅವರು ಸಂಶೋಧಕ ಡಾ. ಎಂ.ಎಂ.ಕಲಬುರ್ಗಿ ಹತ್ಯೆಗೆ ಆಸ್ತಿ ವಿವಾದ ಕಾರಣ ಎಂದು ಹೇಳಿದ್ದನ್ನು ಖಂಡಿಸಿದ ಸಭಿಕರು, ತೀವ್ರವಾಗಿ  ಪ್ರತಿಭಟಿಸಿದ್ದರಿಂದ ಕೋಲಾಹಲದ ವಾತಾವರಣ ಉಂಟಾಯಿತು.

ಸಭಿಕರೊಬ್ಬರ ಪ್ರಶ್ನೆಗೆ ಉತ್ತರಿಸುವಾಗ ಮಂಜುನಾಥ, ‘ಆಸ್ತಿ ವಿವಾದವೇ ಕಲಬುರ್ಗಿ ಹತ್ಯೆಗೆ ಕಾರಣ ಎಂದು ಸಿಐಡಿ ವರದಿ ನೀಡಿದೆ’ ಎಂದರು. ಅವರ ಈ ಹೇಳಿಕೆಯಿಂದ ಕೆರಳಿದ ಸಭಿಕರು, ‘ಯಾವ ಆಧಾರದಲ್ಲಿ ನೀವು ಈ ರೀತಿ ಹೇಳುತ್ತಿದ್ದೀರಿ? ಪುರಾವೆ ನೀಡಿ’ ಎಂದು ಒತ್ತಾಯಿಸಿ, ಏರಿದ ಧ್ವನಿಯಲ್ಲಿ ವಾಗ್ವಾದಕ್ಕಿಳಿದರು.

ಅದಕ್ಕೆ ಮಂಜುನಾಥ ಅವರು, ‘ಇದು ನನ್ನ ಹೇಳಿಕೆಯಲ್ಲ. ಮಾಧ್ಯಮಗಳಲ್ಲಿ ಬಂದಿರುವುದನ್ನು ಹೇಳಿದ್ದೇನೆ’ ಎಂದು ಸಮಜಾಯಿಷಿ ನೀಡಿದರು. ‘ಮಾಧ್ಯಮದಲ್ಲಿ ಪ್ರಕಟವಾಗಿರುವ ವರದಿ ಆಧರಿಸಿ ಮಾತನಾಡುವ ಮೂಲಕ ತನಿಖೆಯ ಹಾದಿ ತಪ್ಪಿಸಲು ನೀವು ಯತ್ನಿಸಿದ್ದೀರಿ’ ಎಂದು ಸಭಿಕರು ಟೀಕಿಸಿದ್ದರು. ಈ ಪ್ರಮಾದಕ್ಕಾಗಿ ವಿಷಾದಿಸುತ್ತೇವೆ.