ಅಮೃತಸರ: ಕ್ರಿಕೆಟ್‌ ಬಿಟ್ಟು ರಾಜಕೀಯ ಪ್ರವೇಶಿಸಿ, ಸಂಸದರಾಗಿ ಸಂಸತ್‌ ಪ್ರವೇಶಿಸಿ, ಬಿಜೆಪಿ ತೊರೆದು ಕಾಂಗ್ರೆಸ್ ಪ್ರವೇಶಿಸಿ ಪಂಜಾಬ್‌ನ ವಿಧಾನಸಭೆ ಚುನಾವಣೆ ಎದುರು ನೋಡುತ್ತಿರುವ ನವಜ್ಯೋತ್‌ ಸಿಂಗ್‌ ಸಿಧು ಈಗ ಮತ್ತೆ ಬ್ಯಾಟ್‌ ಹಿಡಿದಿದ್ದಾರೆ...
–ಹೌದು ಮಾಜಿ ಕ್ರಿಕೆಟಿಗ ನವಜ್ಯೋತ್‌ ಸಿಂಗ್‌ ಸಿಧು ಅವರು ಭಾನುವಾರ ಅಮೃತಸರದಲ್ಲಿ ಬ್ಯಾಟ್‌ ಹಿಡಿಯುವ ಮೂಲಕ ರಾಜಕೀಯದಲ್ಲಿ ವಿರೋಧ ಪಕ್ಷಗಳ ವಿರುದ್ಧ ‘ಬ್ಯಾಟಿಂಗ್‌’ ಮಾಡಲು ಸಿದ್ಧತೆ ನಡೆಸಿದ್ದಾರೆ.
ಪಂಜಾಬ್‌ನ ವಿಧಾನಸಭಾ ಚುನಾವಣೆಯ ಕಾಂಗ್ರೆಸ್ ಅಭ್ಯರ್ಥಿಯಾಗಿರುವ ಸಿಧು ಚುನಾವಣಾ ಪ್ರಚಾರದಲ್ಲಿ ತೊಡಗಿದ್ದು, ಅಮೃತಸರದಲ್ಲಿನ ರಾಮ್‌ ಬಾಗ್ ಉದ್ಯಾನದಲ್ಲಿ ಬೆಳಿಗ್ಗೆ ವಾಯು ವಿಹಾರಕ್ಕೆ ತೆರಳಿದ್ದಾಗ ಸ್ಥಳೀಯರ ಜತೆ ಬ್ಯಾಟ್‌ ಹಿಡಿದು ಕ್ರಿಕೆಟ್‌ ಆಡಿ ಗಮನ ಸೆಳೆದಿದ್ದಾರೆ.
