ನವದೆಹಲಿ: ಅಮೆರಿಕ ಹೊಸ ಅಧ್ಯಕ್ಷ ಡೋನಾಲ್ಡ್‌ ಟ್ರಂಪ್‌ ಅನುಸರಿಸಲಿರುವ ನೀತಿಯನ್ನು ಹೂಡಿಕೆದಾರರು ಎದುರು ನೋಡುತ್ತಿದ್ದು, ಈ ಅಂತರರಾಷ್ಟ್ರೀಯ ವಿದ್ಯಮಾನ ಷೇರು ಪೇಟೆ ಮೇಲೆ ಈ ವಾರ ಪ್ರಭಾವ ಬೀರಲಿದೆ.
ಈ ವಾರ ಪ್ರಕಟವಾಗಲಿರುವ ದೇಶದ ಅಗ್ರಮಾನ್ಯ ಕಂಪೆನಿಗಳ ತ್ರೈಮಾಸಿಕ ಫಲಿತಾಂಶ ಮತ್ತು ಕೇಂದ್ರ ಸರ್ಕಾರದ ಬಜೆಟ್‌ ಹುಟ್ಟು ಹಾಕಿರುವ ನಿರೀಕ್ಷೆಗಳು ಮಾರುಕಟ್ಟೆ ವಹಿವಾಟಿನ ದಿಕ್ಕನ್ನು ನಿರ್ಧರಿಸಲಿವೆ ಎಂದು ತಜ್ಞರು ವಿಶ್ಲೇಷಿಸಿದ್ದಾರೆ. ಗಣರಾಜ್ಯೋತ್ಸವ ದಿನಾಚರಣೆ ಪ್ರಯುಕ್ತ ಜ.26ರಂದು ಷೇರು ಮಾರುಕಟ್ಟೆಗೆ ರಜೆ ಇರುತ್ತದೆ.
