ಇಸ್ಲಾಮಾಬಾದ್‌: ಪಾಕಿಸ್ತಾನದ ಮಾಜಿ ಅಧ್ಯಕ್ಷ ಪರ್ವೇಜ್‌ ಮುಷರಫ್‌ ಯುವತಿಯೊಂದಿಗೆ ನೈಟ್‌ ಡಾನ್ಸ್‌ ಬಾರ್‌ನಲ್ಲಿ ‘ದಿಲ್ಲಿ ವಾಲಿ ಗರ್ಲ್‌ಫ್ರೆಂಡ್‌’ ಎಂಬ ಬಾಲಿವುಡ್‌ ಗೀತೆಗೆ ಹೆಜ್ಜೆ ಹಾಕಿರುವುದು ಇದೀಗ ವೈರಲ್‌ ಆಗಿದೆ.
ಪಾಕಿಸ್ತಾನದ ಪತ್ರಕರ್ತ ಹಮೀದ್‌ ಮಿರ್‌ ತಮ್ಮ ಟ್ವಿಟರ್‌ ಖಾತೆಯಲ್ಲಿ ಈ ವಿಡಿಯೊ ತುಣುಕನ್ನು ಹರಿಬಿಟ್ಟಿದ್ದಾರೆ. ಮುಷರಫ್‌ ನೃತ್ಯವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ನೋಡಲು ಪಾಕಿಸ್ತಾನ ಜನತೆ ಮುಗಿಬಿದ್ದಿದ್ದಾರೆ. ಯಾವ ಸ್ಥಳದಲ್ಲಿ ಮುಷರಫ್‌ ಅವರು ಈ ನೃತ್ಯ ಮಾಡಿದ್ದು ಎಂಬುದು ಬಹಿರಂಗಗೊಂಡಿಲ್ಲ.
ಇದಕ್ಕೂ ಮೊದಲು ಚಿಕಿತ್ಸೆಗಾಗಿ ವಿದೇಶಕ್ಕೆ ತೆರಳಿದ್ದ ಮುಷರಫ್‌ ಅವರು ಹೆಂಡತಿ ಜತೆ ಹೆಜ್ಜೆ ಹಾಕಿದ ವಿಡಿಯೊ ಸಖತ್‌ ವೈರಲ್‌ ಆಗಿತ್ತು.
