ನಗರದಲ್ಲಿ ರಾಜಾರೋಷ ಜಮೀನು ಕಬಳಿಕೆ

 

ನಗರಸಭೆ ಅಧಿಕಾರಿಗಳ ಮೌನ ಸಮ್ಮತಿ, ಚುನಾಯಿತ ಪ್ರತಿನಿಧಿಗಳ ಪರೋಕ್ಷ ಬೆಂಬಲದಿಂದಾಗಿ ದೇವಸ್ಥಾನ ಹಾಗೂ ಪ್ರಾರ್ಥನಾ ಸ್ಥಳದ ಹೆಸರಲ್ಲಿ ನಗರದ ಪ್ರಮುಖ 34 ಉದ್ಯಾನಗಳು ಅತಿಕ್ರಮಣಗೊಂಡಿವೆ. ಉದ್ಯಾನ ಹಾಗೂ ರಸ್ತೆ ಮಧ್ಯೆ ನಿರ್ಮಾಣಗೊಂಡಿರುವ ಧಾರ್ಮಿಕ ಕಟ್ಟಡಗಳ ವಿವರ ಕೇಳಿರುವ ಸುಪ್ರೀಂಕೋರ್ಟ್‌ಗೆ ಬೀದರ್‌ ನಗರಸಭೆಯು ಸಲ್ಲಿಸಿರುವ ದಾಖಲೆಯಲ್ಲಿ ಒಟ್ಟು 74 ಸ್ಥಳಗಳಲ್ಲಿ ಅಕ್ರಮ ಕಟ್ಟಡ ನಿರ್ಮಾಣವಾಗಿರುವುದನ್ನು ಉಲ್ಲೇಖಿಸಿದೆ. 

 

ನಗರದ 10 ಉದ್ಯಾನಗಳಲ್ಲಿ ಗಣೇಶ ಮಂದಿರ, 7 ಉದ್ಯಾನಗಳಲ್ಲಿ ಹನುಮಾನ ಮಂದಿರ, 3 ಉದ್ಯಾನಗಳಲ್ಲಿ ಭವಾನಿ ಇಲ್ಲವೆ ದೇವಿಮಂದಿರ, 5 ಉದ್ಯಾನಗಳಲ್ಲಿ ಶಿವ ಮಂದಿರ, 3 ಉದ್ಯಾನಗಳಲ್ಲಿ ಬಸವೇಶ್ವರ ದೇವಸ್ಥಾನ, ಉಳಿದ ಆರು ಉದ್ಯಾನಗಳಲ್ಲಿ ರಾಘವೇಂದ್ರ, ಪಾಂಡುರಂಗ, ಸಾಯಿ, ಮೌನೇಶ್ವರ, ರೇವಪ್ಪಯ್ಯ ಮಂದಿರ, ಕಲ್ಯಾಣ ಮಂಟಪ ನಿರ್ಮಿಸಲಾಗಿದೆ. ಒಂದು ಉದ್ಯಾನದಲ್ಲಿ ಅಕ್ರಮವಾಗಿ ಶಾಲಾ ಕಟ್ಟಡ ತಲೆ ಎತ್ತಿದೆ. ಧರ್ಮ ಬೋಧನೆ ಮಾಡುವ ನಗರದ ನಾಮಾಂಕಿತರು ಸರ್ಕಾರದ ಜಾಗವನ್ನು ಕಬಳಿಸುವಲ್ಲಿ ಮುಂಚೂಣಿಯಲ್ಲಿರುವುದು ವಿಶೇಷ. ಪ್ರಬಲ ಸಮುದಾಯದವರೇ ಇರುವ ನಗರಸಭೆಯ ವಾರ್ಡ್‌ ನಂ.19ರಲ್ಲಿಯೇ ಅತಿಹೆಚ್ಚು ಜಾಗ ಅತಿಕ್ರಮಣ ಮಾಡಿರುವುದನ್ನು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.  

 

ರಸ್ತೆ ಮೇಲಿನ ಪ್ರಾರ್‌ಥನಾಲಯಗಳ ಬಗ್ಗೆ ಆರಂಭದಲ್ಲಿ ಮೌನ ಸಮ್ಮತಿ ನೀಡಿರುವ ಅಧಿಕಾರಿಗಳು ಈಗ ಪ್ರಾರ್ಥನಾ ಸ್ಥಳಗಳನ್ನು ತೆರವುಗೊಳಿಸಿದರೆ ಕಾನೂನು ಸುವ್ಯವಸ್ಥೆಗೆ ಧಕ್ಕೆ ಬರಲಿದೆ ಎಂದು ಹೇಳಿಕೆ ನೀಡ ತೊಡಗಿದ್ದಾರೆ.

 

**

ವರದಿ ರವಾನೆ 

ಸರ್ಕಾರಿ ಆಸ್ತಿಯಲ್ಲಿ ನಿರ್ಮಿಸಿರುವ ಕಟ್ಟಡಗಳನ್ನು ತೆರವುಗೊಳಿಸಿದ ಬಗೆಗೆ ಕಲಬುರ್ಗಿ ವಿಭಾಗದ ಹೆಚ್ಚುವರಿ ಪ್ರಾದೇಶಿಕ ಆಯುಕ್ತರು ಜಿಲ್ಲಾಧಿಕಾರಿ ಕಚೇರಿ ಮೂಲಕ ವಿವರಣೆ ಕೇಳಿದ್ದಾರೆ. ಈಗಾಗಲೇ ಮಾಹಿತಿ ಒದಗಿಸಲಾಗಿದೆ ಎಂದು ಎನ್ನುತ್ತಾರೆ ನಗರಸಭೆಯ ಆಯುಕ್ತ ನರಸಿಂಹಮೂರ್ತಿ.

 

**

ಮತಬ್ಯಾಂಕ್‌   ರಾಜಕೀಯ