ಕಾರವಾರ: ತೆರಿಗೆ ಕಟ್ಟದೆ ಹೊರ ರಾಜ್ಯಕ್ಕೆ ಕಳುಹಿಸುತ್ತಿದ್ದ ಎರಡು ಲಾರಿ ಅಡಿಕೆ ವಶ

ಮಂಗಳೂರಿನಿಂದ‌ ಮುಂಬೈ ಹಾಗೂ ನಾಗಪುರಕ್ಕೆ ಸಾಗುತ್ತಿದ್ದ ಲಾರಿಗಳನ್ನು ಕಾರವಾರದ ಬಿಣಗಾ ಹಾಗೂ ಯಲ್ಲಾಪುರ ತಾಲೂಕಿನ ಮಂಚಿಕೇರಿ ಬಳಿ ವಶಕ್ಕೆ ಪಡೆಯಲಾಗಿದೆ.

ಸುಮಾರು ₹50 ಲಕ್ಷಕ್ಕೂ ಅಧಿಕ ಮೌಲ್ಯದ ಅಡಿಕೆ ವಶಕ್ಕೆ ಪಡೆಯಲಾಗಿದೆ. ಈ ಅಡಿಕೆಯನ್ನು ತೆರಿಗೆ ಕಟ್ಟದೆ ಹೊರ ರಾಜ್ಯಕ್ಕೆ ಕಳುಹಿಸಲಾಗುತ್ತಿತ್ತು.

ಯಲ್ಲಾಪುರ ಠಾಣಾ ಹಾಗೂ ಕಾರವಾರ ಗ್ರಾಮೀಣ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ಇದಾಗಿದ್ದು, ಡಿಸಿಐಬಿ ಇನ್‌ಸ್ಪೆಕ್ಟರ್ ಆಂಜನೇಯ ನೇತೃತ್ವದಲ್ಲಿ ದಾಳಿ ಮಾಡಲಾಗಿದೆ.