ಕ್ಷಿಪಣಿ ಲಾಂಚರ್: ಬೆಳಗಾವಿಯಲ್ಲಿ ತಯಾರಿ
ಬೆಳಗಾವಿ: ಒಡಿಶಾದಲ್ಲಿ ಪರೀಕ್ಷಾರ್ಥವಾಗಿ ಶನಿವಾರ ಹಾರಾಟ ನಡೆಸಿದ ಕ್ಷಿಪಣಿಯ ಲಾಂಚರ್ ನಗರದ ಸರ್ವೊಕಂಟ್ರೊಲ್ಸ್ ಏರೊಸ್ಪೇಸ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಕಂಪೆನಿಯಲ್ಲಿ ತಯಾರಾಗಿದೆ.
‘ನಗರದ ಉದ್ಯಮಬಾಗ್ ಹಾಗೂ ಹತ್ತರಗಿ ಬಳಿ ಕಂಪೆನಿಯ ತಯಾರಿಕಾ ಘಟಕಗಳಿವೆ. ಹೈಡ್ರಾಲಿಕ್ ಎಲೆಕ್ಟ್ರಾನಿಕ್ಸ್ ತಂತ್ರಜ್ಞಾನದಿಂದ, ಕ್ಷಿಪಣಿ ನೆಗೆತಕ್ಕೆ ಅಗತ್ಯವಾದ ಲಾಂಚರ್ ಅನ್ನು ಆರು ತಿಂಗಳಲ್ಲಿ ಸಿದ್ಧಪಡಿಸಲಾಗಿದೆ’ ಎಂದು ಕಂಪೆನಿಯ ಅಧಿಕಾರಿ ಸತೀಶ ಪಾಟೀಲ ತಿಳಿಸಿದರು.
‘ತಂತ್ರಜ್ಞ ವಿಜಯ ಪ್ರಭು ಮಾರ್ಗದರ್ಶನದಲ್ಲಿ ಜ್ಯೋತಿಬಾ ಸೊನುಲ್ಕರ್, ಪರಶುರಾಮ ಪೋತೆ, ಸಂತೋಷ ಗುರವ, ಇತರರು ಈ ತಂತ್ರಜ್ಞಾನ ಅಭಿವೃದ್ಧಿ ಪಡಿಸಿದ್ದರು’ ಎಂದು ದೂರವಾಣಿ ಮೂಲಕ ತಿಳಿಸಿದರು.