‘ವಿ.ಜಿ ವುಮೆನ್ಸ್‌’ ಕಾಲೇಜಿಗೆ ಸುವರ್ಣ ಸಂಭ್ರಮ

ಕಲಬುರ್ಗಿ:  ಯಾವುದೇ ಸಾರ್ವಜನಿಕ ಕ್ಷೇತ್ರವನ್ನು ಮಹಿಳೆಯರು ಇಲ್ಲದೆ ಮುನ್ನಡೆಸಲು ಸಾಧ್ಯವಿಲ್ಲ. ಮಹಿಳೆಯ­ರನ್ನು ನಾನಾ ನೆಪವೊಡ್ಡಿ ಹಿಂದೆ ಸರಿಸಲಾಗಿದೆ. ಆದರೆ, ಮಹಿಳೆ ದುರ್ಬಲ­ಳಲ್ಲ. ಕರ್ನಾಟಕದ ಬೇರೆ ಪ್ರಾಂತ್ಯಗಳು ಸ್ವಾತಂತ್ರ್ಯಪೂರ್ವ­ದಲ್ಲಿಯೇ ಸ್ತ್ರೀಯರ ಶಿಕ್ಷಣಕ್ಕೆ ಒಡ್ಡಿಕೊಂ­ಡವು. ಹೈದರಾಬಾದ್‌ ಕರ್ನಾಟಕ ಭಾಗದಲ್ಲಿ ಔಪಚಾರಿಕ ಶಿಕ್ಷಣ ದೂರದ ಮಾತಾಗಿತ್ತು. ಈ ಕೂಗಿಗೆ ದನಿಯಾಗಿದ್ದೆ ವೀರಮ್ಮ ಗಂಗಸಿರಿ ಮಹಿಳಾ ಕಾಲೇಜು.

ಈ ಭಾಗದಲ್ಲಿ ಪುರುಷರೇ ಶಿಕ್ಷಣ ಪಡೆಯಲು ದುಸ್ತರವಾಗಿದ್ದ ಕಾಲವೊಂ­ದಿತ್ತು. ಇನ್ನು ಸ್ತ್ರೀ ಶಿಕ್ಷಣವಂತೂ ಕಲ್ಪಿಸಿಕೊಳ್ಳಲು ಸಾಧ್ಯವೆ ಇರಲಿಲ್ಲ. ಇಂಥ ಸಂದಿಗ್ಧತೆಯಲ್ಲಿ ‘ವಿ.ಜಿ ವುಮೆನ್ಸ್‌’ ಕಾಲೇಜಿಗೆ ಸುವರ್ಣ ಸಂಭ್ರಮಕಲಬುರ್ಗಿಯಲ್ಲಿ ಹೈದರಾ ಬಾದ್ ಕರ್ನಾಟಕ ಶಿಕ್ಷಣ ಸಂಸ್ಥೆ ಪ್ರಾರಂಭವಾಯಿತು.

ಇಲ್ಲಿ ಬಾಲಕಿಯರಿಗಾಗಿ ಕೆಲವು  ಶಾಲೆಗಳಿದ್ದದವು. ಅವು ಪ್ರಾಥಮಿಕ ಹಂತಕ್ಕೆ ಸೀಮಿತವಾಗಿ ದ್ದವು. ಸಂಸ್ಥೆಯ ಸಂಸ್ಥಾಪಕ ಅಧ್ಯಕ್ಷರಾ­ಗಿದ್ದ ಮಹಾದೇವಪ್ಪ ರಾಂಪುರೆ ಮತ್ತು ಅಂದಿನ ಆಡಳಿತ ಮಂಡಳಿ ಸದಸ್ಯರು ಮಹಿಳೆಯರಿಗಾಗಿ 1965ರಲ್ಲಿ ನಗರ ದಲ್ಲಿ ಗಂಗಸಿರಿ ಮನೆತನದ ವೀರಮ್ಮ ಅವರ ಹೆಸರಲ್ಲಿ ಪ್ರಥಮ ಮಹಿಳಾ ಮಹಾವಿದ್ಯಾಲಯ ತೆರೆದರು.

35 ವಿದ್ಯಾರ್ಥಿನಿಯರಿಂದ ಪ್ರಾರಂಭವಾದ ಈ ಕಾಲೇಜಿನಲ್ಲಿ ಈಗ ಎರಡು ಸಾವಿರ ವಿದ್ಯಾರ್ಥಿನಿಯರು ವ್ಯಾಸಂಗ ಮಾಡುತ್ತಿದ್ದಾರೆ. ಕಲಾ ಮತ್ತು ಗೃಹವಿಜ್ಞಾನ ವಿಭಾಗದಿಂದ ಪ್ರಾರಂಭ­ವಾಗಿದ್ದು ಈಗ ವಿಜ್ಞಾನ, ವಾಣಿಜ್ಯ ಪದವಿ ವಿಭಾಗಗಳನ್ನು ತೆರೆಯಲಾಗಿದೆ. ರಸಾಯನವಿಜ್ಞಾನದಲ್ಲಿ ಸ್ನಾತಕೋತ್ತರ ಪದವಿ ಸಹ ಇದೆ.

ಕಲೆಯಲ್ಲಿ 12, ವಿಜ್ಞಾನದಲ್ಲಿ 10, ವಾಣಿಜ್ಯದಲ್ಲಿ 2 ವಿಭಾಗಗಳಿವೆ. ಕ್ರಿಯಾಶೀಲ ಎನ್.ಸಿ.ಸಿ, ಎನ್.ಎಸ್.ಎಸ್ ಘಟಕಗಳ ಮಾತ್ರವ­ಲ್ಲದೆ ಸಾಮಾಜಿಕ ಹೊಣೆಗಾರಿಕೆಗಾಗಿ ವಿದ್ಯಾರ್ಥಿನಿಯರ ವೇದಿಕೆ, ಕಲಿಕೆಯೊಂದಿಗೆ ಗಳಿಕೆ ಗುಂಪು, ಕರಾಟೆ ಗುಂಪು, ಮಹಿಳಾ ಆಪ್ತಸಮಾಲೋ­ಚನಾ ಕೇಂದ್ರ, ಹತ್ತು–ಹಲವು ಚಟುವಟಿಕೆಗಳು ಇಲ್ಲಿ ನಿತ್ಯ, ನಿರಂತರ.

ಕಾಲೇಜು ಈವರೆಗೂ ವಿವಿಧ ವಿಷಯಗಳಲ್ಲಿ ನಡೆಸಿದ ರಾಜ್ಯ, ರಾಷ್ಟ್ರಮಟ್ಟದ ವಿಚಾರ ಸಂಕಿರಣ, ಕಾರ್ಯಾಗಾರ, ಸಮಾವೇಶಗಳಿಗೆ ಲೆಕ್ಕವೆ ಇಲ್ಲ. 80-90ರ ದಶಕದಲ್ಲಿಯೇ ‘ಮಿಸ್ ಗುಲ್ಬರ್ಗಾ‘ ಸ್ಪರ್ಧೆ ಆಯೋಜಿದ್ದು ಸಂಚಲನ ಉಂಟು ಮಾಡಿತ್ತು. ಅರ್ಧ ಶತಮಾನದ ದಾರಿ ಕ್ರಮಿಸಿರುವ ಮಹಾವಿದ್ಯಾಲಯ ‘ಸುವರ್ಣಸಿರಿ‘ಯ ಸಂಭ್ರಮದಲ್ಲಿ ಮುಂದೆ ಸಾಗುತ್ತಿದೆ.