ಇದು ಕೇವಲ ಮುಕ್ಕಾಲು ಗಂಟೆಯಲ್ಲಿ ಕಲಿಯಬಹುದಾದ ವಿದ್ಯೆ. ಹೌದು ಈ ಕೋರ್ಸ್ ರೂಪಿಸಿರುವ ಕ್ಯಾಟಲಿಸ್ಟ್‌ಎಕ್ಸ್ ಎಂಬ ಸರ್ಕಾರೇತರ ಸಂಸ್ಥೆಯ ಭರವಸೆಯಿದು. ಇದಾವ ವಿದ್ಯೆ ಎಂಬುದು ನಿಮ್ಮ ಪ್ರಶ್ನೆಯೇ? ಇದು ಸಂವಹನ ಕಲೆಗೆ ಸಂಬಂಧಿಸಿದ ಕೋರ್ಸ್.
ನಲವತ್ತೈದು ನಿಮಿಷಗಳಲ್ಲಿ ಸಂವಹನ ಕಲೆಯನ್ನು ಕಲಿಸುವುದು ನಿಜಕ್ಕೂ ಸಾಧ್ಯವೇ ಎಂಬ ಪ್ರಶ್ನೆ ನಿಮ್ಮದಾಗಿರಬಹುದು. ಆದರೆ ಸಂವಹನವೆಂದರೆ ಏನು ಮತ್ತು ಅದೇಕೆ ಅಗತ್ಯ ಎಂಬುದನ್ನು ಕಲಿಯುವುದಕ್ಕೆ ಕೆಲವೇ ಕ್ಷಣಗಳು ಸಾಕು. ಅದರ ಸೂಕ್ಷ್ಮಗಳನ್ನು ಅರ್ಥ ಮಾಡಿಕೊಳ್ಳುವುದಕ್ಕೆ ಇಡೀ ಜೀವಮಾನವೇ ಬೇಕಾಗುತ್ತದೆ.
