27 ಕೋಟಿ ಟನ್‌ಗಳಷ್ಟು ದಾಖಲೆ ಆಹಾರ ಧಾನ್ಯ ಉತ್ಪಾದನೆ ನಿರೀಕ್ಷೆ

ನವದೆಹಲಿ: 2016–17ನೆ ಹಣಕಾಸು ವರ್ಷದಲ್ಲಿ ದೇಶದ ಆಹಾರ ಧಾನ್ಯ ಉತ್ಪಾದನೆ ದಾಖಲೆ ಎನ್ನಬಹುದಾದ 27.19 ಕೋಟಿ ಟನ್‌  ಆಗಲಿದೆ ಎಂದು ಕೇಂದ್ರ ಸರ್ಕಾರ ಅಂದಾಜಿಸಿದೆ.

2ವರ್ಷದ ನಂತರದ ಉತ್ತಮ ಮುಂಗಾರಿನಿಂದಾಗಿ ಕೃಷಿ ಉತ್ಪಾದನೆ ಹೆಚ್ಚಳಗೊಂಡಿದೆ. ಗೋಧಿ, ಅಕ್ಕಿ, ಬೇಳೆಕಾಳು, ಉರುಟು ಧಾನ್ಯ ಮತ್ತು ತೈಲ ಬೀಜಗಳ ಉತ್ಪಾದನೆಯು  ಈ ಹಿಂದಿನ ಉತ್ಪಾದನಾ ದಾಖಲೆ ಹಿಂದಿಕ್ಕಲಿದೆ ಎಂದು ಕೃಷಿ ಸಚಿವಾಲಯದ ಪರಿಷ್ಕೃತ ಅಂದಾಜಿನಲ್ಲಿ ತಿಳಿಸಲಾಗಿದೆ.ಉತ್ತಮ ಮಳೆ ಮತ್ತು  ಉತ್ತೇಜನಾ ಕ್ರಮಗಳಿಂದ ಈ ವರ್ಷ ಕೃಷಿ ಉತ್ಪಾದನೆ ಹೆಚ್ಚಳಗೊಳ್ಳಲಿದೆ ಎಂದು ಸಚಿವಾಲಯತಿಳಿಸಿದೆ.