ವಿದೇಶಿ ಪ್ರವಾಸಿಗರ ಸಂಖ್ಯೆ ಶೇ 43ರಷ್ಟು ಇಳಿಕೆ

 

‘ಹೀಗೆ ಏಕಾಏಕಿ ಪ್ರವಾಸಿಗರ ಸಂಖ್ಯೆ ಕಡಿಮೆಯಾಗಿರುವುದಕ್ಕೆ ನಿರ್ಧಷ್ಟ ಕಾರಣಗಳು ಇಲ್ಲ. ಆದರೆ, ಅಧಿಕ ಮುಖಬೆಲೆ ನೋಟು ರದ್ದತಿ ಕ್ರಮ ಪ್ರವಾಸೋದ್ಯಮದ ಮೇಲೆ ಭಾರಿ ಪರಿಣಾಮ ಬೀರಿದೆ’ ಎಂದು ಪ್ರವಾಸೋದ್ಯಮ ಇಲಾಖೆ ಅಧಿಕಾರಿಯೊಬ್ಬರು ತಿಳಿಸಿದರು.

 

‘ನಗರದಲ್ಲಿ ಅಕ್ಟೋಬರ್‌ನಿಂದ ಫೆಬ್ರುವರಿವರೆಗೆ ಪ್ರವಾಸೋದ್ಯಮಕ್ಕೆ ಉತ್ತಮ ಕಾಲ. ನೋಟು ರದ್ದತಿ ಕ್ರಮದಿಂದ ನವೆಂಬರ್‌, ಡಿಸೆಂಬರ್‌ನಲ್ಲಿ ಉದ್ಯಮಕ್ಕೆ ಭಾರಿ ನಷ್ಟವಾಗಿತ್ತು. ಈಗ ಉದ್ಯಮ ಚೇತರಿಕೆ ಕಾಣುತ್ತಿದ್ದೆ’ ಎಂದು ಪ್ರವಾಸ ಆಯೋಜಕರು ತಿಳಿಸಿದರು.

 

‘ವಿದೇಶಿ ಪ್ರವಾಸಿಗರಿಂದ ನಮ್ಮ ಉದ್ಯಮಕ್ಕೆ ಹೆಚ್ಚು ಲಾಭವಾಗುತ್ತದೆ. ಆದರೆ ಕಳೆದ ವರ್ಷದಲ್ಲಿ ಹೆಚ್ಚು ವಿದೇಶಿಗರು ನಗರಕ್ಕೆ ಭೇಟಿ ನೀಡಿಲ್ಲ. ಇದು ಉದ್ಯಮಕ್ಕೆ ಹೊಡೆತ ಬಿದ್ದಿದೆ. ಪ್ರಸಕ್ತ ವರ್ಷದಲ್ಲಿ ವಿದೇಶಿಗರನ್ನು ಸೆಳೆಯಲು ಪ್ರವಾಸೋದ್ಯಮ ಇಲಾಖೆ ಏನಾದರೂ ಕ್ರಮಕೈಗೊಳ್ಳಬೇಕು’ ಎಂದು ಕ್ಯಾಬ್‌ ಚಾಲಕ ಮಹಂತೇಶ್‌ ಒತ್ತಾಯಿಸಿದರು.

 

**