ಗೋಕರ್ಣ: ವಿದೇಶಿ ಜೋಡಿಯೊಂದು, ಇಲ್ಲಿನ ಮಹಾಗಣಪತಿ ದೇವಸ್ಥಾನದಲ್ಲಿ ಶುಕ್ರವಾರ ಗೋಧೂಳಿ ಮುಹೂರ್ತದಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿತು.
ಐರ್ಲೆಂಡ್ನ ಯುವಕ ಬ್ರೆಜಸ್ಲಿ ಐರ್ಲಿ ಹಾಗೂ ವಿಯೆಟ್ನಾಂ ನಿವಾಸಿ ಝಾಪರ್ ಎಲಿಜಬೆತ್ ಪರಸ್ಪರ ಹಾರ ಬದಲಾಯಿಸಿಕೊಂಡು ಸರಳವಾಗಿ ಮದುವೆಯಾದರು. ಎಲಿಜಬೆತ್ ಮಣಿಪುರ ಮೂಲದವರು.
ಪಾಲಕರೊಂದಿಗೆ ಗಣೇಶ ಪೂಜೆ, ಕನ್ಯಾ ಸಂಸ್ಕಾರ ವಿಧಿ ಹಾಗೂ ವರನ ಪೂಜಾವಿಧಿಯನ್ನು ಅವರು ನೆರವೇರಿಸಿದರು. ಸ್ಥಳೀಯ ಪುರೋಹಿತರಾದ ನಾಗರಾಜ ಶಂಕರಲಿಂಗ ಹಾಗೂ ವೆಂಕಟರಮಣ ಧಾರೇಶ್ವರ ಧಾರ್ಮಿಕ ವಿಧಿ ವಿಧಾನಗಳನ್ನು ನೆರವೇರಿಸಿಕೊಟ್ಟರು.
ವಧು ಮತ್ತು ವರನ ಪಾಲಕರು, ಕೆಲ ವಿದೇಶಿ ಗೆಳೆಯರು ಹಾಗೂ ಸಂಬಂಧಿಕರು ಹಾಜರಿದ್ದರು.