ದುಬೈ: ರಸ್ತೆಯ ಮೇಲೆ ಓಡಾಡುವ ಟ್ಯಾಕ್ಸಿಗಳು ಇನ್ನು ಕೆಲವೇ ದಿನಗಳಲ್ಲಿ ಆಗಸದಲ್ಲಿ ಹಾರಾಡಲಿವೆ.
ಹೌದು, ಮುಂಬರುವ ಜುಲೈ ತಿಂಗಳ ಅಂತ್ಯಕ್ಕೆ ಸ್ವಯಂಚಾಲಿತ ಹಾರಾಡುವ ಕಾರುಗಳು ಲಭ್ಯವಾಗಲಿವೆ. ವೈಮಾನಿಕ ಶೆಟಲ್ ಸೇವೆ ಎಂದು ಹೆಸರಿಸಲಾಗುವ ಸೇವೆ ದುಬೈನಲ್ಲಿ ಲಭ್ಯವಾಗಲಿದೆ.
ಈ ಮಾದರಿ ಟ್ಯಾಕ್ಸಿ ಸೇವೆಯ ವಿನ್ಯಾಸವು ವಿಶ್ವ ಶೃಂಗ ಸಭೆಯಲ್ಲಿ ಪ್ರದರ್ಶನಗೊಂಡು ಅಂಗೀಕೃತಗೊಂಡಿದೆ. ದುಬೈನ ಆಕಾಶದಲ್ಲಿ ಪ್ರಾಯೋಗಿಕ ಹಂತದಲ್ಲಿರುವ ಎಎವಿ (ಆಕಾಶದ ಟ್ಯಾಕ್ಸಿ) ಸೇವೆ ಮುಂದಿನ ಜುಲೈನಲ್ಲಿ ಸಾರ್ವಜನಿಕ ಸೇವೆಗೆ ಲೋಕಾರ್ಪಣೆಗೊಳ್ಳಲಿವೆ ಎಂದು ದುಬೈನ ರಸ್ತೆ ಮತ್ತು ಸಾರಿಗೆ ಪ್ರಾಧಿಕಾರದ (ಆರ್ಟಿಎ) ನಿರ್ದೇಶಕ ಮತ್ತರ್ ಅಲ್–ತಯರ್ ಹೇಳಿದ್ದಾರೆ.