ಕೃಷಿ ಸಂಸ್ಕೃತಿ ಶಿಥಿಲಕ್ಕೆ ಸರ್ಕಾರವೇ ಹೊಣೆ

ಹತ್ತು  ನಿರ್ಣಯ ಮಂಡನೆ 

ಹೂವಿನಹಡಗಲಿ (ಎಂ.ಪಿ.ಪ್ರಕಾಶ್ ವೇದಿಕೆ): ‘ಪಟ್ಟಣದಲ್ಲಿ ನಡೆದ ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನದ ಬಹಿರಂಗ ಅಧಿವೇಶನದಲ್ಲಿ ಪ್ರಮುಖ ಹತ್ತು ನಿರ್ಣಯಗಳನ್ನು ಸರ್ವಾನು ಮತದಿಂದ ಅಂಗೀಕರಿಸಿ ಸರ್ಕಾರಕ್ಕೆ ಹಕ್ಕೊತ್ತಾಯ ಮಂಡಿಸಲಾಯಿತು.

 

ಜಿಲ್ಲಾ ಕಸಾಪ ಅಧ್ಯಕ್ಷ ಸಿದ್ದರಾಮ ಕಲ್ಮಠ ಅಧ್ಯಕ್ಷತೆಯಲ್ಲಿ ನಡೆದ ಬಹಿ ರಂಗ ಅಧಿವೇಶನದಲ್ಲಿ ಕಸಾಪ ಜಿಲ್ಲಾ ಗೌರವ ಕಾರ್ಯದರ್ಶಿ ಎಂ.ಪಿ.ಎಂ. ಮಂಜುನಾಥ ನಿರ್ಣಯ ಮಂಡಿಸಿದರು.

 

1) ಬಳ್ಳಾರಿ–ಆಂಧ್ರ ಗಡಿ ಭಾಗದ ಕನ್ನಡಿಗರಿಗೆ ಉದ್ಯೋಗ ಮತ್ತು ಶಿಕ್ಷಣದಲ್ಲಿ ಶೇ 5 ಹೊರನಾಡ ಕನ್ನಡಿಗರ ಮೀಸಲಾತಿ ನೀಡಬೇಕು, 2) ಹೂವಿನಹಡಗಲಿ ತಾಲ್ಲೂಕಿನ ಮಲ್ಲಿಗೆ ಬೆಳಗಾರರನ್ನು ಉತ್ತೇಜಿಸಲು ಮಲ್ಲಿಗೆ ಸಂಗ್ರಹ ಮತ್ತು ಸಂಸ್ಕರಣ ಘಟಕ ಸ್ಥಾಪಿಸಬೇಕು, 3) ಹಗರಿ ಬೊಮ್ಮನಹಳ್ಳಿಯ ಮಾಲವಿ ಜಲಾ ಶಯಕ್ಕೆ ತುಂಗಭದ್ರಾ ನದಿಯಿಂದ ಶಾಶ್ವತ ನೀರು ತುಂಬಿಸಬೇಕು, 4) ಬಳ್ಳಾರಿ ಜಿಲ್ಲೆಯ ಜೀವನಾಡಿ ತುಂಗ ಭದ್ರಾ ಜಲಾಶಯ ಹೂಳು ತೆಗೆದು ನೀರು ಸಂಗ್ರಹ ಸಾಮರ್ಥ್ಯ ಹೆಚ್ಚಿಸ ಬೇಕು, 5) ಗಣಿ ಕಾರ್ಮಿಕರಿಗೆ ಪುನ ರ್ವಸತಿ ಕಲ್ಪಿಸಿ, ಅವರ ಕ್ಷೇಮಾಭಿವೃದ್ಧಿ ಕಾಪಾಡುವುದು, 6) ಬಳ್ಳಾರಿಯಲ್ಲಿ ಸರ್ಕಾರದ ವತಿಯಿಂದ ಜೋಳದ ರಾಶಿ ದೊಡ್ಡನಗೌಡ ಟ್ರಸ್ಟ್‌ ಸ್ಥಾಪಿಸು ವುದು, 7) ವ್ಯಾಕರಣತೀರ್ಥ ಚಂದ್ರಶೇಖರ ಶಾಸ್ತ್ರಿಗಳ ‘ಬಸವತತ್ವ ರತ್ನಾಕರ’ ಹಾಗೂ ಅವರ ಎಲ್ಲ ಕೃತಿಗಳ ಮರುಮುದ್ರಣ ಮಾಡಿಸು ವುದು, 8) ಪ್ರಾಥಮಿಕ ಶಿಕ್ಷಣವನ್ನು ಬೋಧನಾ ಮಾಧ್ಯಮವಾಗಿ 1ರಿಂದ 5ನೇ ತರಗತಿವರೆಗೆ ಕಡ್ಡಾಯವಾಗಿ ಮಾತೃಭಾಷೆ ಕನ್ನಡದಲ್ಲೇ ಕಲಿಸು ವುದು, 9) ಸಿಂಗಟಾಲೂರ ಏತ ನೀರಾವರಿಗೆ ಎಂ.ಪಿ.ಪ್ರಕಾಶ ಎಂದು ಹೆಸರಿಡಬೇಕು, 10) ಹೂವಿನ ಹಡಗಲಿಯನ್ನು ಶೈಕ್ಷಣಿಕ ಜಿಲ್ಲೆಯ ನ್ನಾಗಿ ಘೋಷಣೆ ಮಾಡಬೇಕು ಎಂಬ ನಿರ್ಣಯ ಮಂಡಿಸಲಾಯಿತು.

 

ನಿರ್ಣಯಗಳನ್ನು ಕೆ.ವೆಂಕಟೇಶ ಸೂಚಿಸಿದರು. ತಾಲ್ಲೂಕು ಕಸಾಪ ಅಧ್ಯಕ್ಷ ಡಾ. ಎಂ.ಪಿ.ಎಂ. ಮಂಜು ನಾಥ ಅನುಮೋದಿಸಿದರು. ಕಸಾಪ ತಾಲ್ಲೂಕು ಮತ್ತು ಹೋಬಳಿ ಘಟಕದ ಅಧ್ಯಕ್ಷರು ಉಪಸ್ಥಿತರಿದ್ದರು.

‘ಅನುದಾನ ಅನ್ಯ ಉದ್ದೇಶಕ್ಕೆ  ಸಲ್ಲದು’

ಇಲ್ಲಿನ ತಾಲ್ಲೂಕು ಕ್ರೀಡಾಂಗಣ ದಲ್ಲಿ ಹಮ್ಮಿಕೊಂಡಿರುವ ಬಳ್ಳಾರಿ ಜಿಲ್ಲಾ 20ನೇ ಕನ್ನಡ ಸಾಹಿತ್ಯ ಸಮ್ಮೇ ಳನ ಎರಡನೇ ಗೋಷ್ಠಿಯಲ್ಲಿ ಅವರು ‘371(ಜೆ) ಕಲಂನ ಶೈಕ್ಷಣಿಕ ಸೌಲಭ್ಯ ಗಳು ಮತ್ತು ಅನುಷ್ಠಾನದ ಸವಾಲು ಗಳು’ ಕುರಿತು ವಿಷಯ ಮಂಡಿಸಿದರು.

 

371(ಜೆ) ಅಡಿ ಹೈ.ಕ. ಭಾಗದ ಅವಶ್ಯಕತೆಗಳನ್ನು ನೀಗಿಸಲು ಮೀಸ ಲಿಟ್ಟ ಅನುದಾನವನ್ನು ಅನ್ಯ ಯೋಜ ನೆಗಳಿಗೆ ಬಳಸುವುದು ಯಾವ ನ್ಯಾಯ? ಎಂದು ಪ್ರಶ್ನಿಸಿದ  ಅವರು, ಬಸ್‌ಗಳ ಖರೀದಿ, ವಿದ್ಯುತ್ ಕಂಬ, ಪರಿವರ್ತಕ ಖರೀದಿ, ಸಿ.ಸಿ.ರಸ್ತೆ, ವರ್ತುಲ ರಸ್ತೆ ನಿರ್ಮಾಣಕ್ಕೆ ಮೀಸಲು ಹಣ ಬಳಕೆಯಾಗಿದೆ. ಪೊಲೀಸ್ ವಸತಿ ಗೃಹ ನಿರ್ಮಾಣಕ್ಕೂ ಅನು ದಾನ ನೀಡುವಂತೆ ಗೃಹ ಸಚಿವರು ಹೈ.ಕ.ಮಂಡಳಿಗೆ ಬೇಡಿಕೆ ಸಲ್ಲಿಸಿರು ವುದು ನಾಚಿಕೆಗೇಡು ಸಂಗತಿ ಎಂದರು. 

 

‘ಅನುಷ್ಠಾನ ಅಧಿಕಾರಿಗಳ ಗೊಂದಲ, ವಿಶ್ವವಿದ್ಯಾಲಯ ಕುಲ ಪತಿಗಳ ಮೇಲಾಟದಿಂದ ಉನ್ನತ ಶಿಕ್ಷಣದಲ್ಲಿ ನಿಗದಿತ ಮೀಸಲಾತಿ ಸಿಗುತ್ತಿಲ್ಲ. ಇರುವ ಮೀಸಲಾತಿಯನ್ನು ಕಬಳಿಸುವ ದೊಡ್ಡಜಾಲ ರಾಜ್ಯದಲ್ಲಿ ಕಾರ್ಯಪ್ರವೃತ್ತವಾಗಿರು ವುದರಿಂದ ಎಲ್ಲರೂ ಎಚ್ಚರ ವಹಿಸಬೇಕು. ಮೂಲ ನಿವಾಸಿಗಳಿಗೆ ಮಾತ್ರ ಮೀಸಲು ಸೌಲಭ್ಯ ಸಿಗಬೇಕು. ಇಲ್ಲಿಗೆ ಬದುಕಲು ಬಂದವರಿಗೆ ಅನುಕೂಲ ಸಿಗಬಾರದು.  ಮೀಸಲಾತಿ ಪ್ರಮಾಣ ಪತ್ರಗಳ ದುರುಪಯೋಗ ತಡೆಯಬೇಕು ಎಂದು ಹೇಳಿದರು.

 

**

ಜಿಲ್ಲೆಯ ಜೀವನಾಡಿ ತುಂಗ ಭದ್ರಾ ಜಲಾಶಯ ಹೂಳು ತುಂಬಿರುವುದರಿಂದ ರಾಜ್ಯಕ್ಕೆ ಅದರ ಪರಿಣಾಮ ಹೆಚ್ಚಾಗಿದೆ. ತಂತ್ರಜ್ಞಾನದ ನೆರವಿನಿಂದ ಹೂಳು ತೆಗೆಯಲು ಸಾಧ್ಯ.
-ಡಾ.ಎಚ್.ಮಹಾಬಲೇಶ್ವರಪ್ಪ
ಪ್ರಾಧ್ಯಾಪಕ, ಬಿಐಟಿಎಂ ಕಾಲೇಜು

 

**

 

‘ಹೈ.ಕ. ಮೀಸಲು ಹಣ ಬರೀ ಕಟ್ಟಡ ಕಾಮಗಾರಿಗೆ ವಿನಿಯೋಗಿಸದೇ ಶಿಕ್ಷಣ ಮತ್ತು ಮೂಲಸೌಕರ್ಯಕ್ಕೆ ಬಳಸ ಬೇಕು. ಉಚಿತ ಶಿಕ್ಷಣಕ್ಕೆ ಮಂಡಳಿ ಯಿಂದಲೇ ಹಣ ಭರಿಸಬೇಕು.
-ಡಾ. ರಜಾಕ್ ಉಸ್ತಾದ್
ಹೈ.ಕ. ಹೋರಾಟ ಸಮಿತಿ ರಾಜ್ಯ ಉಪಾಧ್ಯಕ್ಷ