ತೆಲುಗಿನ ಪವರ್‌ಸ್ಟಾರ್ ಪವನ್‌ ಕಲ್ಯಾಣ್‌ ಅವರ ‘ಕಾಟಮರಾಯುಡು’ ಚಿತ್ರದ ಟೀಸರ್‌ ಅನ್ನು 81 ಲಕ್ಷ ಜನ ವೀಕ್ಷಿಸಿದ್ದಾರೆ. ತೆಲುಗು ಚಿತ್ರರಂಗದಲ್ಲಿ ಇದು ದಾಖಲೆ ನಿರ್ಮಿಸಿದೆ.
ಈ ಹಿಂದೆ ರಜನೀಕಾಂತ್ ಅವರ ‘ಕಬಾಲಿ’ ಚಿತ್ರದ ಟೀಸರ್‌ 60 ಲಕ್ಷ ಜನ ವೀಕ್ಷಿಸಿದ್ದರು. ಆ ದಾಖಲೆ ಅಳಿಸಿ ಹಾಕಿದ್ದು ಚಿರಂಜೀವಿ ಅವರ ‘ಖೈದಿ ನಂ150’. ಚಿರಂಜೀವಿ ಅಭಿನಯದ ‘ಖೈದಿ ನ.150’ ಟೀಸರ್‌ ಅನ್ನು 77 ಲಕ್ಷ ವೀಕ್ಷಿಸಿದ್ದರು. ಫೆ.4ರಂದು ಯುಟ್ಯೂಬ್‌ಗೆ ಅಪ್‌ಲೋಡ್ ಆದ ‘ಕಾಟಮರಾಯುಡು’ ಟೀಸರ್‌ ಮೂಲಕ ಅಣ್ಣನ ದಾಖಲೆಯನ್ನು ಅಳಿಸಿ ಹಾಕಿದ್ದಾರೆ ಪವನ್‌ ಕಲ್ಯಾಣ್‌.
ಕಿಶೋರ್‌ ಕುಮಾರ್ ಪರ್ದಾಸನಿ (ಡಾಲಿ) ನಿರ್ದೇಶಿಸುತ್ತಿರುವ ಈ ಚಿತ್ರ ತಮಿಳಿನ ಸೂಪರ್ ಹಿಟ್ ಚಿತ್ರ ‘ವೀರಂ’ನ ರಿಮೇಕ್‌. ಶ್ರುತಿ ಹಾಸನ್‌ ನಾಯಕಿ. ಚಿತ್ರ ಮಾರ್ಚ್‌ 29ಕ್ಕೆ ಬಿಡುಗಡೆಯಾಗಲಿದೆ.
