ಸಾಧಿಸುವ ಮನಸ್ಸಿದ್ದರೆ ಕಠಿಣ ಕೆಲಸವೂ ಸುಲಭ ಎನ್ನಿಸುತ್ತದೆ ಎನ್ನುವುದಕ್ಕೆ ಜರ್ಮನಿಯ ಲೂಟ್ಸ್‌ ಇಚಿಲೊಸ್‌ ಸೂಕ್ತ ಉದಾಹರಣೆ. ಬಿಯರ್‌ ಬಾಟಲಿಯ ಮೇಲೆ ಇವರು, ಯುನಿ ಸೈಕಲ್‌ (ಒಂಟಿಚಕ್ರ) ಸವಾರಿ ಮಾಡುವ ಬಗೆಯನ್ನು ಕಂಡರೆ ಎಂಥವರು ನಿಬ್ಬೆರಗಾಗುತ್ತಾರೆ.
25 ವರ್ಷದ ಇಚಿಲೊಸ್‌ ಅಥ್ಲೀಟ್‌ ಕೂಡ. 8.93 ಮೀಟರ್‌ವರೆಗೆ ಇರಿಸಿದ್ದ 127 ಬಿಯರ್‌ ಬಾಟಲಿಗಳ ಮೇಲೆ ಸರಾಗವಾಗಿ ಒಂಟಿಚಕ್ರದ ಸೈಕಲ್‌ ಮೂಲಕ ಸಾಗುವ ಕಲೆಯನ್ನು ಸಿದ್ಧಿಸಿಕೊಂಡಿದ್ದಾರೆ. ಈ ಹಿಂದೆ ಇಸ್ರೇಲ್‌ನ ವ್ಯಕ್ತಿಯೊಬ್ಬರು 7.99 ಮೀಟರ್‌ ಒಂಟಿ ಚಕ್ರದ ಸೈಕಲಿಂಗ್‌ ಮಾಡಿ ಗಿನ್ನಿಸ್‌ ದಾಖಲೆ ಮಾಡಿದ್ದರು. ಅವರ ದಾಖಲೆಯನ್ನು ಮುರಿದು ಈಗ ಆ ಸ್ಥಾನವನ್ನು ಇಚಿಲೊಸ್‌ ಪಡೆದುಕೊಂಡಿದ್ದಾರೆ.
