ನಾನು ದೇಶದ ಬಹುತೇಕ ದೊಡ್ಡ ನಗರಗಳನ್ನು ನೋಡಿದ್ದೇನೆ. ಆದರೆ, ಇಲ್ಲಿಯ ಹವಾಮಾನ ಜನರ ಸಜ್ಜನಿಕೆ ದೇವಸ್ಥಾನಗಳು, ಹಳೇ ಬೆಂಗಳೂರಿನ ಪ್ರಸಿದ್ಧ ಪ್ರದೇಶಗಳು ಸುಂದರವಾದ ಪಾರ್ಕ್ಗಳು ಎಲ್ಲವೂ ಇದೆ.
ಸದಾಶಿವನಗರ, ಜಯನಗರ, ಎಂ.ಜಿ. ರಸ್ತೆಯಲ್ಲಿ ಓಡಾಡುವುದೇ ರೋಮಾಂಚನ. ಹಳೇ ಹೋಟೆಲ್ಗಳ ಜನಪ್ರಿಯತೆ, ಹೊಸ ಹೋಟೆಲ್ಗಳ ಆಕರ್ಷಣೆ, ಚೈನೀಸ್ ಆಹಾರ ಎಲ್ಲ ವಯಸ್ಸಿನವರಿಗೂ ಇಷ್ಟವಾಗುತ್ತದೆ.
ಪ್ರವಾಸಿತಾಣಗಳು, ನಗೆಕೂಟಗಳು, ಪಾರ್ಟಿ, ಪಿಕ್ನಿಕ್ ಅಂತ ಖುಷಿಯಾಗಿರುವ ಜನರಿದ್ದಾರೆ. ಒಂಟಿಯಾಗಿರುವವರಿಗೆ ಆಶ್ರಯತಾಣಗಳಿವೆ. ಮನೆ ಕೆಲಸ, ಮಕ್ಕಳ ಆರೈಕೆಗೆ ಜನ ಸಿಗುತ್ತಾರೆ. ಆಧುನಿಕ ಆಸ್ಪತ್ರೆಗಳಿವೆ. ಮಲೆನಾಡು ಬಿಟ್ಟು ಇಲ್ಲಿಗೆ ಬರುವಾಗ ಇದ್ದ ಭಯ ಈಗಿಲ್ಲ. ಎಲ್ಲರಿಗೂ ಇಲ್ಲಿ ಕೆಲಸ ಸಿಗುತ್ತದೆ. ಪರರಾಜ್ಯದವರು, ವಿದೇಶದವರೂ ಇಷ್ಟಪಡುವ ನಗರ ನನ್ನ ಬೆಂಗಳೂರು.
- ನಳಿನಿ ಆರ್.ಗಂಗಮ್ಮ ವೃತ್ತ, ಜಾಲಹಳ್ಳಿ ಈಸ್ಟ್