ಬೆಂಗಳೂರು: ವೈದ್ಯರು ಕೈಬರಹದಲ್ಲಿ ಔಷಧಿ, ಮಾತ್ರೆಗಳನ್ನು ಬರೆದುಕೊಡುವ ಪದ್ಧತಿಗೆ ಕೊನೆಹಾಡಿ, ಆನ್ಲೈನ್ನಲ್ಲಿಯೇ ಔಷಧಿ ಮಾರಾಟಗಾರರಿಗೆ ವಿವರಗಳನ್ನು ರವಾನಿಸುವ ಸೌಲಭ್ಯವನ್ನು ಫಾರ್ಮಾಈಜಿ ಸಂಸ್ಥೆ ಜಾರಿಗೆ ತಂದಿದೆ.
ಔಷಧಿ ಮಾರಾಟಗಾರರು ಮತ್ತು ಬಳಕೆದಾರರ (ರೋಗಿ) ಮಧ್ಯೆ ಸಂಪರ್ಕ ಕೊಂಡಿಯಾಗಿ ಈ ಸಂಸ್ಥೆ ಕಾರ್ಯನಿರ್ವಹಿಸುತ್ತಿದೆ. ಈ ಸೌಲಭ್ಯದಡಿ ರೋಗಿಯ ಮತ್ತು ಔಷಧಿ ಖರೀದಿಯ ಪ್ರತಿಯೊಂದು ವಿವರ ಇರಲಿದೆ ಎಂದು ಸಂಸ್ಥೆಯ ಸಹ ಸ್ಥಾಪಕ ಧರ್ಮಿಲ್ ಸೇಠ್ ಹೇಳಿದ್ದಾರೆ.
ಸ್ಪೆಕ್ಟ್ರಾನೆಟ್: ಫೈಬರ್ ಬ್ರಾಡ್ಬ್ಯಾಂಡ್ ಸೇವೆ
ಬೆಂಗಳೂರು: ಅಫ್ಟಿಕಲ್ ಫೈಬರ್ ಬ್ರಾಡ್ಬ್ಯಾಂಡ್ ಸೇವಾ ಸಂಸ್ಥೆಯಾಗಿರುವ ಸ್ಪೆಕ್ಟ್ರಾನೆಟ್ ಬೆಂಗಳೂರಿನಲ್ಲಿ ತನ್ನ ಸೇವೆಗೆ ಚಾಲನೆ ನೀಡಿದೆ. ಸಂಸ್ಥೆಯು 1ಜಿಬಿಪಿಎಸ್ ವೇಗದ ಸೇವೆಯನ್ನು ವಸತಿ ಸಂಪರ್ಕಗಳಿಗೆ, 10ಜಿಬಿಪಿಎಸ್ ವೇಗದ ಸೇವೆಯನ್ನು ವಾಣಿಜ್ಯ ಉದ್ದೇಶದ ಸಂಪರ್ಕಗಳಿಗೆ ನೀಡಲಿದೆ. ಗರಿಷ್ಠ ವೇಗದ ಫೈಬರ್ ಬ್ರಾಡ್ಬ್ಯಾಂಡ್ ಯೋಜನೆಯು ₹ 1,199ರಿಂದ ಆರಂಭವಾಗಲಿದೆ.