ನನ್ನ ಚಂಚಲ ಪಾದಗಳು

ಸಾಲದಲೆ ಇರುತ್ತವೆ ಎಲ್ಲಾ ಸಂಬಂಧಗಳು ಋಣದ ಮಾತು ಸುಮ್ಮನೆ
ಬರುತ್ತಲೇ ಅವಳ ಓಣಿ ಚಡಪಡಿಸುತ್ತಾ ಹೋಗುವವು ನನ್ನ ಚಂಚಲ ಪಾದಗಳು

ಇರದೆ ಅನುಮತಿ ಇನ್ನೊಬ್ಬರ ದುಃಖದಲಿ ಭಾಗಿದಾರನಾಗಬಾರದು ರಾಜಾ
ಆದರೂ ಆ ಮನೆಗೆ ದಾಪುಗಾಲಿಡುತ್ತಾ ಹೋಗುವವು ನನ್ನ ಚಂಚಲ ಪಾದಗಳು

ಯಾರಾದರೂ ಹೃದಯದ ಗಾಯಗಳ ಇಲಾಜು ಮಾಡುವರು ಎಲ್ಲಿಯ ತನಕ
ಮತ್ತೆ ಮಧುಶಾಲೆಯೆಡಗೆ ನಡುಗುತ್ತಾ ಹೋಗುವವು ನನ್ನ ಚಂಚಲ ಪಾದಗಳು

ಯಾಕೋ ಕಣ್ತಪ್ಪಿಸಿ ಓಡಾಡುತಿವೆ ಈ ಶಹರಿನ ಮುಖ ನಕ್ಷೆ ರಸ್ತೆಗಳು
ತಮ್ಮದೇ ಶವಯಾತ್ರೆಗೆ ಗಡಬಡಿಸುತ್ತಾ ಹೋಗುವವು ನನ್ನ ಚಂಚಲ ಪಾದಗಳು

ಮರ್ಯಾದೆ ಸಿಗದ ಜಾಗದಲಿ ಕರೆದುಕೊಂಡು ಹೋಗಿ ಮರ್ಯಾದೆಗೇಡು ಮಾಡುವವು
ಕ್ಷಮೆಯಿರಲಿ, ಮತ್ತೆ ಮತ್ತೇ ಮರ್ಯಾದೆಗೆಡುತ್ತಾ ಹೋಗುವವು ನನ್ನ ಚಂಚಲ ಪಾದಗಳು

–ಆರಿಫ್ ರಾಜಾ