ಅಧ್ಯಯನಕ್ಕೆ ಆರೋಗ್ಯ ಆ್ಯಪ್‌ಗಳನ್ನು ಬಳಸುವ ಸಾವಿರಕ್ಕೂ ಹೆಚ್ಚು ಜನರ ಅಭಿಪ್ರಾಯ ಸಂಗ್ರಹಿಸಲಾಗಿದೆ. ಹಾಗೆಯೇ ಆ್ಯಪ್ ಬಳಸದವರ ಮಾಹಿತಿಯನ್ನು ಪಡೆದು, ಎರಡೂ ಅಭಿಪ್ರಾಯಗಳನ್ನು ತುಲನೇ ಮಾಡಿ ಈ ಸಂಶೋಧನಾ ವರದಿಯನ್ನು ಸಿದ್ಧಪಡಿಸಲಾಗಿದೆ ಎಂದು ಶ್ಯಾಮ್‌ಸುಂದರ್‌ ತಿಳಿಸಿದ್ದಾರೆ. ಸ್ಥೂಲಕಾಯ, ಹೃದಯ ಸಂಬಂಧಿ ಕಾಯಿಲೆ, ಸಾಮಾನ್ಯ ರೋಗಗಳ ಕುರಿತು ಜನರು ಹೆಚ್ಚಾಗಿ ಆರೋಗ್ಯ ಆ್ಯಪ್‌ಗಳ ಜತೆ ಮಾಹಿತಿ ವಿನಿಮಯ ಮಾಡುತ್ತಾರೆ. ಈ ರೀತಿ ಸಂವಾದ ನಡೆಸುವುದರಿಂದ ಜನರು ಕಾಯಿಲೆಗಳ ಬಗ್ಗೆ ಹೆಚ್ಚು ಜಾಗೃತರಾಗುತ್ತಾರೆ.
