ಪಿಯು ಉಪನ್ಯಾಸಕರ ನೇಮಕಾತಿ; ಆನ್‌ಲೈನ್‌ ಅರ್ಜಿ ಆರಂಭ

ಒಟ್ಟು ಹುದ್ದೆ: 1,203
ಅರ್ಜಿ ಸಲ್ಲಿಕೆಗೆ ಕೊನೇದಿನ: ಏಪ್ರಿಲ್‌ 6
ಶುಲ್ಕ ಪಾವತಿ ಕೊನೇದಿನ: ಏಪ್ರಿಲ್‌ 10
ವೆಬ್‌ಸೈಟ್‌: kea.kar.nic.in
–––––––––
ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು 20 ವಿಷಯಗಳಿಗೆ ಸಂಬಂಧಿಸಿದಂತೆ ಒಟ್ಟು 1,203 ಹುದ್ದೆಗಳ ನೇಮಕಾತಿ ಮಾಡಲಿದೆ. ಈ ಸಂಬಂಧ  ಕೆಇಎ ಅಧಿಕೃತ ವೆಬ್‌ಸೈಟ್‌ ಮೂಲಕ ಅರ್ಜಿ ಸಲ್ಲಿಸಬಹುದಾಗಿದೆ.

ಆನ್‌ಲೈನ್‌ ಮೂಲಕ ಈಗಾಗಲೇ ಅರ್ಜಿ ಸಲ್ಲಿಸಿ ಶುಲ್ಕ ಪಾವತಿಸಿದ ಅಭ್ಯರ್ಥಿಗಳು ಮತ್ತೊಮ್ಮೆ ಅರ್ಜಿ ಸಲ್ಲಿಸುವ ಅಗತ್ಯ ಇಲ್ಲ.  ಹೊಸದಾಗಿ ಅರ್ಜಿ ಸಲ್ಲಿಸುವವರಿಗೆ ಏಪ್ರಿಲ್‌ 6ರವರೆಗೆ ಕಾಲಾವಕಾಶ ಕಲ್ಪಿಸಲಾಗಿದೆ.

ನಿಗದಿತ ಶುಲ್ಕವನ್ನು ಏ.10ರೊಳಗೆ ಪಾವತಿಸಬೇಕು ಎಂದು ಸೂಚಿಸಲಾಗಿದೆ. ಹೆಚ್ಚಿನ ವಿವರಗಳಿಗೆ kea.kar.nic.in ವೀಕ್ಷಿಸಿ.

ಈ ಹಿಂದೆ ಪದವಿ ಪೂರ್ವ ಕಾಲೇಜುಗಳ ಉಪನ್ಯಾಸಕರ ನೇಮಕಾತಿಯನ್ನು ಎರಡು ಬಾರಿ ಸ್ಥಗಿತಗೊಳಿಸಲಾಗಿತ್ತು. 

ಮೂಲಗಳ ಪ್ರಕಾರ ಎಲ್ಲ ಅಭ್ಯರ್ಥಿಗಳಿಗೂ ಶೇ.55ರಷ್ಟು ಅರ್ಹತೆ ಅಂಕ ನಿಗದಿ ಮಾಡಲಾಗಿದೆ. ಪರಿಶಿಷ್ಟ ಜಾತಿ ಮತ್ತು ಪಂಗಡದವರಿಗೆ ಇದರಲ್ಲಿ ವಿನಾಯ್ತಿ ನೀಡದೆ ಮೀಸಲಾತಿ ವಂಚಿಸಲಾಗಿದೆ ಎಂದು ಹೋರಾಟ ನಡೆದಿದ್ದರಿಂದ ಎರಡು ಬಾರಿ ನೇಮಕಾತಿ ಮುಂದೂಡಲಾಗಿತ್ತು.