ಬಳ್ಳಾರಿ: ಇಲ್ಲಿನ ಜಾಲಿಬೆಂಚಿ ಗ್ರಾಮದಲ್ಲಿ ಕಳೆದೆರಡು ದಿನಗಳಿಂದ ದ್ಯಾಮವ್ವನ ಗುಡಿಯಲ್ಲಿ ಘಂಟೆಗಳು ಅವಷ್ಟಕ್ಕೆ ಅವೇ ಅಲ್ಲಾಡುತ್ತಿರುವ ವಿಸ್ಮಯ ಘಟನೆ ವರದಿಯಾಗಿದೆ.
ರಾತ್ರಿ ಹೊತ್ತು ದೇವಸ್ಥಾನದ ಮೇಲ್ಛಾವಣಿಗೆ ಹಾಕಿರುವ ಘಂಟೆಗಳು ಗಾಳಿ ಇಲ್ಲದಿದ್ದರು ತೂಗಾಡುತ್ತಿರುತ್ತವೆ. ಘಂಟೆಯ ನಾದ ಕೇಳಿದ ಕೂಡಲೇ ಜನರು ಹೋಗಿ ನೋಡಿದಾಗ ಘಂಟೆಗಳು ತೂಗುತ್ತಿರುತ್ತವೆ ಎಂದು ಸ್ಥಳೀಯರು ಹೇಳಿದ್ದಾರೆ.
ಇದು ದ್ಯಾಮವ್ವ ದೇವಿಯ ಪವಾಡ ಎಂದು ಆ ಭಾಗದ ಜನರು ವಿಸ್ಮಯಗೊಂಡಿದ್ದಾರೆ.
ಈ ಘಟನೆ ನಡೆದ ಬಳಿಕ ದೇವಿಯ ದರ್ಶನ ಪಡೆಯಲು ನೂರಾರು ಭಕ್ತರು ಜಾಲಿಬೆಂಚಿ ಗ್ರಾಮಕ್ಕೆ ಆಗಮಿಸುತ್ತಿದ್ದಾರೆ ಎಂದು ಸ್ಥಳೀಯರು ಹೇಳುತ್ತಾರೆ.